اشمعنه احنا ؟؟
السلام عليكم ورحمة الله وبركاته
دي صورة الكورة الارضيه.. وكل ما يكون لون البلد غامق اكتر ده معناه ان فيه نسبه كبيره من المسلمين..
للتكبير اضغط هنا
البارح كنت بتفرج على حاجه كده.. وافتكرت اخوانا في سوريا.. وان عليهم عقوبات اقتصاديه ومحظورات و..و.. فقعدت افكر.. ليه الكره الارضيه ضددنا !!
اي دوله فيها مسلمين لازم تلاقيهم قارفينهم في عيشتهم.. شوفو العراق يروحو يمسكو رئيسها ويعدمو و يسرقو البترول والعلماء يموتو او يختفو و المتاحف بتتسرق والله اعلم التاريخ حيتغير ولا لأ.. معليش اصلهم اعتمدو على معلومات استخبراتيه.. ان شاء الله الرئيس الجاي حنبقى نخلي بالنا !!
فلسطين غزة حصلت فيها اباده ومفيش حد عمل حاجه. واللي قال نحن نشجب ونعترض اصبح بطل اصلا بعد زمان ما كنا بنتريق عليه لان فيه دول مفتحتش بؤها حتى !! ودي كانت ايه !! اباده اباده.. مش مجرد حتى موتو قيادي معين ولا حاجه من بعيد الجبناء وجريو !! وعادي..
وشوفو ده: الطاقة الذرية تؤكد العثور على يورانيوم عالي التخصيب في مصر
لكن يجي حد في دوله مسلمه كان عمل مصنع نووي ذري سري لتصنيع بمب رمضان.. اوباااااا يلهويييي اجرو بسرعه فين مجلس الامن نروح نشتكي فيه.. ومجلس الامن مش مستنيهم اصلا ويطلع القرار علطول انها دوله ارهابيه شريره ويروحو يضربوها بسرعه !!
لكن اسرائيل معروف ان عندها اسلحه نوويه.. عادي جدا !! مفيهاش اي حاجه ولا حد من دول الكره الارضيه كلها يقدر يفتح بوؤو ولا يعملها حاجه !!
ولو ملاحظين مفيش دوله بقه يحصل عليه حرب ولا اي مصايب من دي الا لازم تكون مسمله.. فلسطين العراق افغانستان السودان سوريا لبنان الشيشان البوسنه والهرسك تركستان في الصين ..... اي دوله مسلمه !!
ليه الدول الاسلاميه بس ؟ معقوله كل الدول مفيهاش اي مشاكل معادا عندنا ؟ اصل مستحيل يعني !!
ولا من المعقول انه من قبيل الصدفه ان كلللل الفتره دي ومفيش ولا مشكله في الدنيا الا لازم تكون في دوله مسمله !! حاجه لا تعقل يعني..
مين ده اللي له الحق انه يروع اخوانا في كل مكان ؟ مين اللي في ايده يحكم ان المسلمين يفضلو عايشين حياتهم في بلاء و قرف وعدم استقرار ويتحاربو في كل مكان ؟ ليه مبقاش من حقهم يعيشو في هدوء وسعاده زيهم زي اي بني ادمين تانين ؟ مش بشر هم ؟!! ليه مش من حقهم اي حاجه كده وكل العالم واقف ضددنا ؟
اشمعنه احنا ؟
إشمعنى إحنا ؟
عشان ببساطه احنا مسلمين , وعشان الغرب دايماً بيضطهدونا لأنهم عارفين كويس اوى إن إحنا ممكن نبقى أحسن منهم وعندنا حضاره أفضل منهم وعندنا ناس لو أتيحت ليهم الفرصه يفكروا ويبدعوا هايسبقوا العالم دا كله واولهم أمريكا
-------
ليه إحنا بالذات اللى بيحصل عندنا مشاكل وليه إحنا اللى إخوانا بيموتوا عشان هما مستضعفينا وليهم حق ما إحنا مفيش فينا حد بيخاف على حد ولا بيهتم بأمر أخوه ما احنا طول عمرنا متفرقين ومفيش حاجه بتجمعنا هانبقى أقوياء إزاى هانقدر نقف فى وشهم ازاى ؟
بيقولوا علينا ارهابيين !! طب عملنا إيه عشان نثبت إننا مش كدا
إحنا نسينا ان احنا مسلمين وبقينا مسلمين إسماً وليس فعلاً وهوية
لو بجد احنا مسلمين بحق بالمعنى الشامل اللى هما بيحاربونا علشان خايفين منه
كان الوضع اختلف يمكن وقتها كنا بقينا وحده واحده واتحدنا عليهم يمكن فلسطين مكنتش هاتبقى فى الوضع المؤذى دا
يمكن كنا هانفتكر إخوانا فى البوسنه والهرسك اللى محدش بيجيب سيرتهم وكأنهم مش مسلمين
الكلام فى الموضوع دا كتير جداً وله كذا ناحيه
بس موضوع مهم جداً
:)
وآسفه ع الرغى
عشان احنا مسلمين
عشان عارفين اننا لو وقفنا ع رجلينا واتحدنا وبصينا قدام هناكلهم اصلا وهنمحيهم من ع وش الارض
بيحاولوا يضعفوا ويفتتوا عضدنا عشان يعرفوا يكسبوا هما ف الاخر
غير العداء التاريخي الازلي بين الغرب والاسلام
والي يعيش ياما يشوف
سلام ياعم طارق
السبب انت قولته بنفسك
عشان احنا مسلمين
مش من حقنا يبقى عندنا اسلحه نقف بيها قدام اى حد
مش من حقنا نقول "لا" لاى حد
مش من حقنا نقول ان ماينفعش يتعمل فينا كده لاى حد بردو
بيحاولوا يخلونا اضعف كل يوم عن اللى قبله
واحنا موافقين
والله اعلم بكره هيحصل ايه اكتر من كده
بوست مهم اوى تسلم ايدك
السلام عليكم و رحمة الله و بركاته
أولا مبروك عليك النيولوك
ثانيا : عشان نعرف فعلا ان الموضوع مش عشوائى
و انها مؤامرة ضد الاسلام و المسلمين
لكن مش المشكلة فى كدا
عارف المشكلة فين؟؟
المشكلة فينا احنا
لأن ربنا وعد سيدنا محمد أن هلاك هذه الامة لن يكون إلا بسبب فساد ذات بينها
يعنى لو فعلا نكون ايد واحدة ماحدش يقدر علينا
لكن للاسف كل واحد فى نفسه و بس
والله المستعان
دمت بود
السلام عليكم
فعلا عندك حق اشمعنه احنا ؟؟
لأن ببساطه التاريخ بيقول ان كل توحد لنا كان ربنا بيباركه و كنا بنحكم العالم و طبعا قوتنا فى وحدتنا و طبعا ايماننا و هما حافظين الدرس يبقى فرق تسد و كمان محاولة القضاء على اى دوله مسلمه تكون قويه و سياستها ليست على هواهم ..
لكن كلنا نعلم ان وعد الله حق و انه لا بد من ان يأتى اليوم الذين يخشونه فقط كيف السبيل اليه و نحن ما زلنا فى فرقتنا و لهونا و غفلتنا هذه .. الله المستعان على كل الاحوال .. ربنا يهدينا جميعا لما يحب و يرضى
خالص تقديرى و تحياتى
اشمعني أحنا؟؟؟
سياسة ... بقي تقول إيه؟