ما شاء الله
كتب قيمة فعلا

كتب جميله فعلا

بس عاوزة اجازة عشان تتقري

كلهم حلوين

:)

بجد نفسلا أعمل مكتبه أنا عندى كتب بس فى السياسه وبصراحه مليش فيها

هحاول أعمل مكتبه قيمه بإذن الله

ما شاء الله

كل دي كتب :D

لو انت خلصت قرايتهم

المفروض اي حد يدخل البلوج ينقي كتاب وانت تعطيهوله :D

لاء بجد كتب قيمه فعلا

و كتاب لاتحزن ما شاء الله فظيع

مره كنت قاعده في محاضره وكان مع بنت قدامي اخدته منها لاني مش كنت اعرفه قبلها

انا اللي فوق :D

بابا كل سنه يجيب لنا كمية كتب أفضل أطلع كل شويه كتاب ومأكملوش وآخد كتاب تاني ومأكملوش وأنا راجعه مجبتش معايا غير كتاب واحد بس في شنطتي والباقي فضل هناك
ده غير المكتبه هنا مليانه كتب جميله جدا بس مبكملش كتاب على بعضه
وبعدين بعني حضرتك بتحنسنا يعني بالكتب دي ولا ايه
لفتني كم كتاب كده من إللي مش عندي زيهم واتشجعت أجيبهم بإذن الله
في سؤالين كده
هو حضرتك بتجيب العبيكان وجرير من هنا من مصر !!!
وبالنسبه ل" رد قلبي " ده جزئين ولا نفس الكتاب متكرر عند حضرتك
معلش خليهم 4 أسئله :D
بالنسبه للكتب دي " أنت لا تفهمني " و " ايقظ قواك الخفيه " و " كيف تتحدث إلى أي شخص " و " كون أصدقاء " و " التعامل مع أناس لا تحتملهم " يعني بشكل عام الكتب إللي بتتكلم عن مواضيع التنميه البشريه والحاجات دي هل حضرتك استفدت منها بشكل عملي في حياتك وكان لها اثر فعلا !!
أصلي بأحب جدا أجيب نوعية الكتب دي وبأستفيد منها فعلا وبأحاول أطبق حاجات منها في حياتي بس في ناس بيقولوا إن دي هتكون طبعا مكتسبه وممكن تزول مع الوقت عشان يعني الطبع يغلب التطبع وإنهم شايفين إنها كلام نظري ومش بيتطبق عمليا
وبالنسبه للكتب إللي ممكن تتكلم عن عقيده زي " رحلتي من الشك إلى اليقين " والكتب إللي بتتكلم عن التيارات الفكريه وكتب التاريخ زي مثلا لو حابه أقرأ عن تاريخ اسرائيل أو تاريخ الحضارات الإسلاميه
أعرف إزاي أتأكد إن مصادر الكتب دي سليمه ومفيهاش اي تلاعب أو يكون مغروس فيها سموم فكريه !
وهل ممكن الرجل إللي في المكتبه يفيدني في حاجه زي كده ولا ايه !

:D
بالنسبه للعبيكان وجرير كنت بجيب من معرض الكتاب لما يتعمل في مصر.. بس جرير فيه مكتبه بتنشر كتبها في مصر مش فاكر اسمها..
ورد قلبي جزئين طبعا :d بس فعلا مش مكتوب عليها من الجنب
بالنسبه لكتب التنمية البشرية هو انا زي ماقولت ان فيه كتب كتير راكنها من زمان ومقرتهاش.. لكن قريت مثلا كتاب اشخاص سيئو الطباع.. وفعلا مفيد عمليا جدا وخلاني اغير نظرتي(بشدة) وتجاه بعض الناس بعد الكتاب..
هو اكيد الطبع يغلب التطبع.. بس محدش بيفضل عايش طول حياته بدون ما حاجات في شخصيته بتتغير !! فلو هو عايز يغير حاجه في شخصيته حتتغير بدون ادنى شك..
وحتى لو متغيرش اوي لانه مش عايز يتغير.. على الاقل فيه قناعات كتير حتبقى جواه.. وحيشوف حاجات مكنش شايفها.. فحيتقبل الامور بشكل مختلف شيويه حتى لو استمر في نفس ردود الفعل.. بس جواه حيكون احسن ومستريح اكتر ومش مضايق زي الاول مثلا..

الكتب الدينيه خطيره فعلا.. خاصة الكتب اللي ملهاش تحقيق (يعني يكون فيها احدايث مثلا لكن مش باين اسنادها.. مثال:كتاب التذكرة باحوال الموتى وامور الاخره.. الكتاب ده مليان احدايث كتير جدا ضعيفه.. فلو مكنش التحقيق موجود كنا حنقرا الاحدايث بدون ما نعرف اسنادها..)
فكنت اتنبهت للنقطه دي وبقيت اتاكد من العيال في فري طلبه مثلا او ادعبس في جوجل..
واصحاب المكتبة اكيد مش حيخدمو الا فيما ندر جدا جدا جدا (احنا في مصر:s) لانه اللي يهمه هو ربحه.. فلو حضرتك روحتي مكتبه اللي قائم عليها مش ملتزم بجد.. حيعك..
وكلمة ملتزم بجد دي طبعا من وجهة نظره انه الالتزام الحقيقي هو الفكر الصوفي مثلا.. او اي منهج.. وبالتالي مينفعش نعتمد عليهم ابدا ويفضل حضرتك تسألي ناس ثقات

شيكو - نجوى - سما
ياولكم ياولكم بيكم :)

ولازم بجد تجيبي كتاب لاتحزن ياسما


فعلا الكتب محتاجه وقت عشان تتقري
نصيحه مجربها: جرب خلي كتاب دايما معاك في الشنطه.. واقراه في وسائل المواصلات.. بجددد حتلاقي نفسك بتنجز جااااامد وتستفيد بوقت رهيب كان بيضيع وبتنجز في القرايه بكميه حلوه..
ممكن تخلص كتاب كل اسبوع بالطريقه دي بس :)

هبقي ادور عليه ان شاء الله في مكتبه بابا

بابا عنده كتب ما شاء الله كتيره جدا جدا جدا :d

بس لا تحزن اللي شوفته كان النسخه المصغره مش المجلد

يعني ممكن اي حد يشيله معاه في شنطته ببساطه جدا

بس انا قريت منه كتير بس ان شاء الله هجيبه عشان اقراه كله

هو كده كده نفس الكتاب طبعا يعني نفس المحتوى
بس فعلا لازم تجيبيه بجد وعامة متهايلي انه منتشر في كل حته حتى الناس اللي بيتبيع على الرصيف بتبيعه

صباح الخير ياعمونا
طيب اللى عايز يعرف رواية ربع كيلو دى ولا ربع جرام يعمل ايه؟فين اللنك بتاعها يااستاذنا ؟
او حتى ممكن تجيب لنا الملخص ؟
انت عارف احنا ناس تنابلة وكسالى!
ماتستغربش الاعتراف بالحق
(فضيلة توفيق)

كتب جامد يا ريس ومدونة عسولة زيك

عالي يا شقيق

wedad:
:D:D
هي ربع كيلو فعلا.. مش صغيره يعني

لمذيد من المعلومات عن الرواية:
http://www.arabworldbooks.com/ArabicLiterature/review65.htm

بوها:
اهلا اهلا نورتنا ياريس
مش تقول انك عامل مدونه :)

عايزة اشكرك فعلا للنك
اللى اديتهالى ممتازة جد