بجد أسلوب حضرتك مميز جدا
بتستخدم كلمات بطبيعيه وعفويه مش بألاقي حد بيستخدمها ويمكن عشان كده بنحس إننا إحنا إللي بنقول الكلام ده
نيجي بقى للبوست
الموضوع ده من كم يوم كده ظهرلي في كذا حاجه بس طبعا بأسلوب مختلف وبتلمس جانب آخر نوعا ما أولها حضرت ندوه وكان المحاضر بيخلينا نتخيل صوره مع بعض إتنين عواجيز ماسكين إيد بعض وبيعدوا الشارع أو بيتمشوا على البلاج وبجد حسيتها قوي وحسيت قد إيه إنها أروع من صورة اتنين شباب ماسكين إيد بعض دي أجمل أوقات هي استرجاع ذكريات الماضي وخلاص بعد ما بيزوجوا أولادهم والبيت بيفضى عليهم
المفروض يعيشوا حياتهم من تاني
الحاجه التانيه كنت قرأت بوست في إحدى المدونات بجد عجبني جدا
كان بردو بيتكلم عن سر الحياة بعد ال60 ..
يمكن حوالينا اتعودنا نشوف إن خلاص زي ما حضرتك قلت إن في ناس مجرد ما تعدي ال60 تستنى الموت وإنها بكده خلاص حياتهم انتهت بإنتهاء وظيفتهم ده من وجهة نظرهم ..
لما كانت بتيجي فرصه وأروح النادي هنا في مصر أو على الكورنيش في قطر بأشوف حياة تانيه بجد
مفيش فرق بين شاب عندو 20 أو رجل عندو 60 كله بيجري وكله بيلعب وكله بيتنطط
ومش كده وبس كمان بيعجبني جدا لما ألاقي حد كبير في السن وماسك كتاب وبيقرأ فيه وممكن كمان يرجع يذاكر ويتعلم من أول وجديد
يمكن عامل كبير بيدخل في الموضوع ده هو الشخص نفسه
وده كمان بيظهر في تعامل كل واحد مع أحفاده ممكن نلاقي واحد خلاص يدوب إزيك يا جدو وواحد تاني بيلعب ويقرأ ويتناقش مع أحفاده
مبيهموش ظهره انحنى ولا رجله مسنوده بالعكاز المهم إنه يحس بطعم الحياة وإنه عايش لغاية ما روحه تتسحب منه مش بمجرد ما يطلع على المعاش ..
وعلى فكره كل ده بياثر علينا إحنا كشباب ممكن يحصلنا خمول من شكلهم وممكن يتجدد فينا النشاط ..

بأعتذر على الإطاله ..

مش عارفه اول اما قريت البوست جيه فى بالى جملة البنت نور اختى بتكتبها عالطوول وبتقولها كتير ..

When you can live forever , what can you live for ?

ليا تعليق تانى بس ده حاجه طيارى كده
لأنى مكتأبه شويه :D

فيت دعاء
ربنا يكرمك يافندم على الكلام اللي لا استحقه..
حضرتك فكرتيني برضه بمره كنت في المركز الثقافي الفرنسي واحنا قاعدين بنشرب بيبسي لقينا واحده عجوزه اووووي بتسالنا على حاجه عشان كنا بنتكلم عن السيستم الجديد اللي في السنتر بتاع المواعيد.. فاستغربنا جدااا وسالنها وكده وقالتلنا انها بتتعلم عشان عايزه تتقدم وتدرس في الجامعه الفرنسيه تقريبا او مش فاكر بالظبط يعني.. والست دي عندها مش اقل من - 80 70 سنه وماشيه بعكاز..
بجد استغربت جدا ان هي خلاص يعني فين البال اللي لسه بتتعلم عشان تبدء تقدم وتبدء تشتغل تاني !!
وهي اصلا مش من القاهره.. مش فاكر من المنصوره ولا فين ودرست في معهد تابع للمركز ده لغايه ما خلصت كل الليفلات اللي فيه.. وبعدين كانت عايزه تكمل وفضلت تتدعبس لغايه ما وصلت للمركز الثقافي وبتيجي من اخر الدنيا عشان تكمل في اللغه اكتر!!
هي قالتلنا قصتها بس للاسف صباح الزهايمر وناسي التفاصيل.. لكن فاكر اندهاشي :s
بقه احنا اللي في الكليه وبشبابنا لسه وبنكسل ننزل محاضره ولا نروح الكليه ولا معرفش ايه والست دي عندها بتاع 75 سنه وبتيجي من اخر الكره الارضيه عشان تتعلم وتكون احسن في اللغه اكتر عشان تروح تقدم في الجامعه عشان تبدء تدرس !!

ربنا يكرمها ويحققلها اللي هي عايزاه ان شاء الله

شيكو:
ماشاء الله جمله حلوه اوووي بجد
ياريت تجاوبيها بقه :)

واكتئاب ايه بس امسح البوست يعني :) مفيش حاجه تستحق والله

مستني عودتك وانتي مبسوطه ان شاء الله وبتقولي ان الموقف اللي ضايقك عدا وخلاكي تتحسني اكتر بس :)

I have always thought that God has a plan for us all, and he really wants us HERE on earth for a set time, and then up we go.

لو جاوبت على السؤال بقى
حقول انى حعيش عشان حاجات كتير اوى من ضمنهم انى لازم املى الصفحه الى ربنا اعطهانى بكل خير لكى ارضيه واحصل على جنته اللهم آمين يا رب وكل المسلمين

وحعيش عشان احقق طموحاتى وامالى
فى الدراسة يعنى والعمل

وحعيش عشان اهدى عمرى لشخص
اشاركه كل شىء
افرح معاه احزن معاه
اضحى عشانه
نبنى نفسنا مع بعض
عشان نكون قدوة لأولادنا

كل دى اسباب واسباب هتترتب اكتر
لما اتقدم فى العمر مع الناس الى بحبهم
بيتهيألى لو فى حد بيحب حد عمره ما حياخد الدنيا لما يكبر بشىء من الروتين
اكيد هيعيشها بكل ما اوتى من قوة
وأأمل ان ربنا يرزقنى الزوج الصالح والاولاد الصالحين الى يحبونى :D
اكيد ده غصب عنه :D
الى اقضى معم الباقى من عمرى
نبتسم
ندمع
نخفف الام بعض
ننتظر بكره
حاجات كتير اوى اوى

فى كمان جملة بحب اقولها
عش كل يوم فى حياتك كأنه الاخير
فأحد الايام سيكون كذلك

فنتخيل بقى ان كل يوم هو يومنا الاخير
هنعمل ايه بقى ؟

ايه الرغى ده
معلش بقى
والحمد لله دلوقتى مش فى اكتئاب:)

ماشاء الله كلام جامد اوي :)

تدوينة لطيفة جدا ومهمة :)

يا رب نعرف نعيش حياتنا كويس

بحيث لا نخسر اي جزء منها ولا نخسر آخرتنا كمان

:)

عجبتني التدوينة بجد ربنا يكرمك

متسيبش التدوين تاني :)

" بحيث لا نخسر اي جزء منها ((ولا نخسر آخرتنا كمان)) "

عندك حق اوي والله يافندم

ربنا يبارك في حضرتك

وبجد جزاكم الله خيرا على الدعم ده

بجد مدونه جميله واسلوبها بسيط اوى

ويا ريت كل انسان يقدر يستمتع بحياته بكل ما فيها بحلوها ومرها

ويعرف ان كل حاجه ربنا بيختار هاله بتبقي خير

بس احنا دايما الى بنجري ورا سراب ومش بنحس بالنعم الى في ايدينا

ربنا يكرمك يابشمهندسه

ايوه والله فعلا حضرتك عندك حق.. كل حاجه ربنا بيختارها للانسان دايما بتكون خــــــيــــــر ليه.. حتى لو ظاهرها او هو مش مقتنع بكده..
قال رسول الله صلى الله عليه وسلم "عجبا لأمر المؤمن إن أمره كله خير وليس ذاك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيرا له"


وردك فكرني بقصه حلوه اوي عن الرضا والسراب زي ماقولتي
____________________________________


أراد رجل أن يبيع بيته لينتقل إلى بيت أفضل..فذهب إلي احد أصدقائه وهو رجل أعمال وخبير في أعمال التسويق...وطلب منه أن يساعده في كتابه إعلان لبيع البيت وكان الخبير يعرف البيت جيداً فكتب وصفاً مفصلاً له أشاد فيه بالموقع الجميل والمساحة الكبيرة ووصف التصميم الهندسي الرائع ثم تحدث عن الحديقة وحمام السباحة.....الخ.... وقرأ كلمات الإعلان علي صاحب المنزل الذي أصغى إليه في اهتمام شديد وقال...'أرجوك أعد قراءه الإعلان'....وحين أعاد الكاتب القراءة صاح الرجل يا له من بيت رائع ...لقد ظللت طول عمري أحلم باقتناء مثل هذا البيت ولم أكن أعلم إنني أعيش فيه إلي أن سمعتك تصفه


ثم أبتسم قائلاً من فضلك لا تنشر الإعلان فبيتي غير معروض للبيع!!!



هناك مقولة قديمه تقول..أحصي البركات التي أعطاها الله لك واكتبها واحدة واحدة وستجد نفسك أكثر سعادة مما قبل ....
إننا ننسى أن نشكر الله لأننا لا نتأمل في البركات ولا نحسب ما لدينا...ولأننا نرى المتاعب فنتذمر ولا نرى البركات .

قال أحدهم :
إننا نشكو لأن الله جعل تحت الورود أشواك...وكان الأجدر بنا أن نشكره لأنه جعل فوق الشوك وردا...!!ً

ويقول آخر :
تألمت كثيراً عندما وجدت نفسي حافي القدمين ...ولكنني شكرت الله أكثر حينما وجدت آخر ليس له قدمين...!!!

اللهم لك الحمد يا رب حتى ترضى ولك الحمد إذا رضيت ولك الحمد بعد الرضا

ما شاء الله القصة جميله جدا
فعلا بيحصل معانا كده
مش بنحس بقيمة الحاجات إللي معانا
ده كويس إنه حس بجمالها قبل ما تضيع منه

اللهم لك الحمد يا رب حتى ترضى ولك الحمد إذا رضيت ولك الحمد بعد الرضا

اللهم امين يا باشمهندس

ربنا يجازيك خير علي القصه

لما قريت جزء من كتاب لا تحزن وكان بيتكلم عن النعم الي عند الانسان ومش حاسس بيها حمدت ربنا اكتر

لما كان بيقول ترضي تستغنى عن عينك مقابل جبل من الذهب او تستغنى عن اى حاسه من حواسك مقابل اى شيء مادى

اكيد طبعا ما فيش حاجه تقدر تعوضنا عن نعم ربنا علينا

كلام حضرتك صح فعلاً

اخت في الله:
اهلا اهلا بحضرتك يافندم :)