:D:D
لأ بجد لو عندك حاجه تانيه قولها
مهتمه اسمع النص التانى بيقولوا ايه عننا

:D:D

:D

يا نهار أبيض

أنا مش تبعهم على فكره ..

لأ هو فعلاً فى حجات اتقالت صح وموجوده فى الغالب لكن فى حجات مش موجوده فى كله
البنات على أشكالها تطير :D

-------

هو بالنسبه للبس الشتا دا فى دراسه أثبتت إن البنات درجة حرارة جسمهم لا تختلف من الصيف للشتا ولا يتأثروا بالجو الخارجى

علشان كدا مش بتفرق صيف من شتا

ظالمينهم والله :D

sh!ko
ده فيه بلاوي والله
انتو ماشاء الله يتكتب فيكو كتب :d
ممكن ان شاء الله ابقه اعمل جزء تاني قدام :)

زهرة الامل:
هو اهم حاجه الحته بتاعه الحوار اللي بالازرق والاحمر دي.. موجوده في كلللل البنات ودي اكتر اكتر حاجه بتجنني في الحياه بجد :d
بقيت الحاجات طبعا في البنات برضه :d

غريبه الدراسه دي.. معلومه جديده :)
ربنا يكرمك يافندم

:D
معنديش كلام ااقوله غير انك جامد جدا في الموضوع ده
:)

:D

بالنسبة لموضوع الطلاق ده

فده بجد انا بستغرب عليه انا كمان

امال بتقول طلقنى ليه مادام هي زعلت اوى كدة
:D

ثانيا موضوع الاكل ده
موقف عجيب اوى

هو اكيد الست دي مجنونة فعلا :D

بس اشمعنى مدحت ..؟
:D

لا والله بوست جميل فعلا
وحيادي

انا مبحبش الولاد الى تيجي عالبنات وتقول حاجات مش فيها
وفى نفس الوقت مبحبش البنات اللى متعقدة من راجل فى حياتها وبتطلع فيه القطط الفطسانة وتعمم عالرجالة كلها
:D

اخر سمايلي اللى بينط عالنملة ده سكر اوى
:D

Ramy
ya welcome ya welcome nawrt l blog ya 7obby :)
wthx alot ya gamil :)

momo:
لا بالنسبه لموضوع الاكل ده بالذاااااااااااااااات منتشر بشكل لانهائي بجد :d
ومش بعرف بجد خاااااالص الغرض من الحركه دي ايه بالظبط :d
طبعا اقصد بحكايه موضوع الاكل هو الطريقة نفسها مش المثال ده بالذات يعني..
بجد بتضحكني اووووووي

ربنا يكرمك يافندم :)

بوست جميل اوي
فيه حاجات كتيرة صح
وبرده مستنيين حضرتك تنزل الجزء الثاني :D

هههههههههه كلها فعلا حاجات غريبه


بس هي حتة الطلاق دي اللي بضحك عليها كتير لما بفتكرها لاني شفتها في مسلسلات كتي وحتي في حياتنا العاديه

Dina:
متحاولوش :D
هو كل الحاجات دي موجوده في كل البنات :d

بس الغريبه ان محدش حاول يشرح التصرفات دي معناها ايه يعني


صمت المشاعر
اول اهلا بحضرتك اول مره تشرفينا في المدونه :)
وفعلا حاجه غريبه جدا بجد وغير مفهومه :d

هو أنا المفروض يعني ليا تعليق هنا مش كده ولا ايه !!

ده أنا لازم أرد على البوست ده ببوست تاني

ثواني بس وهأقولكم رد على الحاجاتات دي وعلى أفعال للولاد مقابله لأفعال البنات دي

هههههههههههههه
:D:D:D
معندناش حاجه الحمد لله :d

وايه ده ماشاء الله يعني حضرتك حتفتحي المدونه ؟ ولاحتردي هنا

مش هأفتح المدونه
حتى لو عملت بوست هناك
بس هأرد هنا بإذن الله
وهأطلعلكم البلاوي المستخبيه ومفيش حاجه اسمها معندناش حاجه
البنات والولاد تحف أساسا
وحركاتهم تحفه زيهم

إنى ملكه

مش هامشى غير لما أعرف :D

يلا قولى ..

خلينا نفرح فيهم شويه :D

اني ملكه:
براحتك يافندم
ومستني لما اشوف فضايحنا اللي هي مش موجوده طبعا

أمل مفيش فيا دماغ دلوقتي بقولك بس عشان متستنيش كتير بس بإذن الله هقول كل حاجه :D
طيب ايه رأيك نعمل عصابه أنا وإنتي وأبعتلك الكلام تنشريه في بلوجتك

كإني مقولتش حاجه يعني :D

زهرة الامل:
يافندم مفيش حاجه صدقيني دي اشاعات بس

اني ملكه:
شوفتي حضرتك بس مش لاقيه حاجه طبعا :D
اصل احنا فله :D
بصي احنا ممكن نعمل حاجات غلط.. دي حاجه مفهومه.. بس الحاجات اللي قولتها دي حاجات غير منطقيه يعني مش موضوع حاجات غلط او صح

بقى كده ماااااااااااشي
هأطلع القطط الفاطسه كلها
والله دماغي مش فايقه مش أكتر
هأجمع كلمتين حلوين كده وأقولهم
على الأقل كمان أعلق على كلام حضرتك وأقول تفسيرات لإلي بيحصل ده
بس مبدئيا صدقني دي حاجات طايشه ومتعملهاش أي واحده عاقله
وحتى لو بتحصل فعلا بتكون نادرا جداااااااااا ده بالنسبه لحكاية الأكل
أنا لو هتكلم هتكلم بمنطقيه وبدون مبالغات يعني هقول الحاجات اللي بتحصل مع الأغلبيه مش مع حالات فرديه نادره
لو على نقطة النظرات ففي سر تاني هقوله لكم الظاهر لسه موصلش ليكم وعلى فكره الولاد كمان بيعملوا كده
كان في نقطه تالته حضرتك اتكلمت عنها مش فاكره هي ايه !
أنا كده لسه مقولتش حاجه على فكره أنا بس بأسخن

لا والله كل البنات مش حالات شاذه :d
ده لسه في المستقبل ان شاء الله ممكن ابقه اعمل جزء تاني للفضايح :d

بالنسبه حكايه النظرات دي بتمتونييييييييييييي من الضحك بجد :d
ببقه عايزه اقول للبنت ايه يابت العبقريه دييييي الواد مش واخد باله كده بقه :d

بس والله ظراف البنات دول :d

إشاعات مغرضه :D

ماشى يا انى ملكه فوقى وبراحتك خالص

علشان الكلام يطلع مظبوط

وعلشان تقدرى تجمعى كل حاجه

مش عايزه هفوه

:D

:D

استمروا استمروا

وانا هتفرج من بعيد وهطلع بالمفاجاه في الاخر

بس بجد

موضوع جامد جدا :D

ربنا يكرمك فيت سما :d
مستنين المفاجاه ان شاء الله :)

لو حد يفتكر كنت عملت موضوع في المنتدى اسمه " مبيعترفش بالغلط " كل إللي يدخل من الولاد شويه ويختفي نهائيا مفضلش غير واحد في الآخر وطفشني وسبت الموضوع ومشيت
هأبقى أوريهولكم وأجيبلكم عليه حاجات زياده من عندي كمان

سما وأمل مستنياكوا متسيبونيش لوحدي

صح يا دودو

عمرهم ما بيعترفوا انهم غلطانين ابدا :D

معاكي يابنتي طبعا :D

و المفاجاه في الاخر خالص بقي ان شاء الله

بسم الله هبدأ الأول بالتعليق على النقاط إللي حضرتك اتكلمت عنها في البوست
بالنسبه للنقطه الأولى إللي هي بتاعت الشتا واللبس وكده
أخو صحبتي كان بيتبصت جدا من الشتا عشان البنات هيلبسو حاجات تقيله فأول ما الشتا يخلص يقول الابراص هتبدأ تطلع من بيوتها
حاليا أنا شايفه إن الأبراص ماليه الشوارع شتا وصيف مش فارقه
إذن فمفيش خلاف على النقطه دي
ربنا يسترنا ويستر بنات المسلمين يا رب ..
أه صحيح كان في نقطه قبلها حضرتك اتكلمت عنها وهي " هل تعني النساء ما تقول "
أنا شايفه إن ده حقيقي بيحصل بس 100 % بيحصل كده من الولاد كذلك
أنا عندي معاناة بالنسبه للنقطه دي بالذات والله وصلت لدرجة شك في نفسي إني أنا إللي بأفهم غلط

ههههههههههههه
هو حضرتك عمك ياض:)
متوقعتش خالص, انا زرت المدونة دي قبل كده بالصدفة من مدونة كنت عايزة اتجوز بس مكانش فيه البوكس بتاع تصريحات ادارة المنتدى :)

مبروك على اعادة اففتاح المدونة اولا, نيجي بقى للتدوينة المشكلة دي :) يا فندم زي ما حضرتك مش فاهمينا , احنا كمان مش فاهمين الاولاد في حاجات كتييييييييير :) ومعاك فعلا ان الحاجات دي حقيقية, وحكاية لبس البنات في الشتا, فاحنا لبسنا شتوي اصل صيف شتا, خصوصا المحجبات, فمبيفرقش معانا اوي الشتا :) , وحكاية البنات بيقولوا كلام كتير مابيقصدهوش, ياسيدي احمد ربنا احنا لما بنتعصب بنتكلم بس انتوا لما بتتعصبوا يا حفيييييييييييظ (كله ضرب مافيش شتيمة :),,, واما البص في اي حتة غير عينين اللي ادامك, غالبا حياء او خجل مش اكتر, شخصيا مرة في بداية الدراسة كنت بسال ولد على حاجة وكان بيبص على نقطة ما ورايا فوقي بشوية, قعدت ابص ورايا كل شوية مافيش حاجة وبعدين ارجع الاقيه لسه باصص هناك وهوا بيتكلم عن الجزئية اللي سالته فيها في المنهج عادي جدا :D

نيجي بقى لإلي بعد كده
ثواني كده أشوف
هو مين مدحت ده :D
بالنسبه للنقطه السابقه فعايزه اقول إن وقت الغضب بيطلع من أي شخص أيا كان بنت أو ولد كلام ممكن يتراجع أو يندم عليه فيما بعد فالطبيعي بعد ما يصفى هيعتذر ويقول مكنتش أقصد كده كنت أقصد معنى تاني بس إنت إللي فهمتني غلط ..
بالنسبه لحتة طلقني دي فدي ماشي قد تكون موجوده بس يا ترى إيه أسبابها !!
إمتى الست تقول للراج طلقني !!
يا ترى عمال على بطال وبتلعب ولا في سبب قوي خلاها تحس إن الحياة ما بينهم مستحيله ولازم تنتهي !!
يعني عامل كبير جدا في سبب قول كلمة طلقني هو الرجل ..
وموافقه جدا إن بعد ما يحصل طلاق بتزعل إن هانت عليه العشره
هي بتقوله طلقني لعل وعسى إنه يتحسن في تعامله معاها لكن ميكونش رد الفعل المنتظر هو الطلاق الفعلي ..
في فعلا ستات مستفزات جدااااااا وكل ما يحصل خناقه ولا حاجه تفضل تزن عمال على بطال طلقني طلقني دول المفروض من الشواذ الخارجين عن القاعده ..
زي بالضبط الرجاله إللي دايما على لسانهم عليا الطلاق لو عملتي أو روحتي أو سويتي !!!!
طيب دي تتسمى ايه !!
يعني زي ما يكون بيمسكها من إيدها إللي بتوجعها أو بيهددها !!
والله لو واحد عندو شخصيه مش هيحتاج لتهديد من النوع ده كلمة بيستخدمها الضعفاء وللأسف منتشره بشكل غير عادي بجد وإللي مش مصدق يتابع برامج فتاوي وخاصة لو كانت الحلقه عن الطلاق هنلاقي كمية بشعه ده إذا مكنش معظم الاتصالات ناس بتقول أنا بأحلف يمين كتير أو جوزي بيحلف يمين طلاق كتير عليا وبيرجع فيه ..

في ايه تاني !!
حتة الأكل دي قد تكون موجوده الله أعلم عشان أنا عن نفسي مصادفتش زيها بتاتا بالصوره المبالغ فيها دي
_ مش إن حضرتك إللي مبالغ فيها بس أقصد إني إللي شوفته مكنش بالصوره المبالغه دي _ ولو في ناس كده فدي كذلك عينه نادرة الوجود وأساسا لو جينا للطرف الآخر لو في ست طايشه ومجنونه زي دي ومش عارفه هي عايزه إيه فهل يا ترى كل الأزواج مطيعين زي مدحت ده !! لا أظن لأن في ناس لو زوجته قالتله نطلع نتغدى بره يبهدلها وفي ناس لو من أول مره تقولهه لأ خلاص خليها في البيت ممكن يقلب عليها البيت وارسيلك على حل بقى ..

اقتباس:
بالنسبه حكايه النظرات دي بتمتونييييييييييييي من الضحك بجد :d
ببقه عايزه اقول للبنت ايه يابت العبقريه دييييي الواد مش واخد باله كده بقه :d


مش فاهماها اوي الجزئية دي, يعني اقصد العادي ان الواحد لما بيتنرفز من حد بيبصلوا بغضب, فانت قصدك ايه مش فاهمة :(

اني ملكة : انتي دعاء ابراهيم اللي في جروب اول طلبة؟

آخر نقطه حضرتك ذكرتها ألا وهي
بالنسبه للنظرات فهي كذلك بتحصل من الولاد وبلاوي أكتر من كده ونلاقي واحد جاي يستهبل وممكن الكشكول بتاعك !!
أو لسه عايشين في زمن الساعه كام !!
إللي يمكن لسه محدش من الولاد يعرفه إن هقولكم بس عشان تاخدو بالكم إن حكاية النظرات من تحت لتحت دي خلاص بقت موضه قديمه ومعروفه حاليا البنت تدي ظهرها للولد إياه وتخللي صحبتها هي إللي ترصد لها الأجواء :D
طيب في حاجه هي البنت أساسا ليه بتعمل كده !! إما إنها معجبه بالشخص ده أو هي حست إن هو معجب بيها وبيتتبعها فهي عايزه تعرف آخرته إيه معاها بس مش أكتر يعني ..

على فكره كل ده لسه تسخين هأصحصح كده وآجي أكمل بقى الحركات القرعه بتاعت الولاد ..

أيوه يا مارج أنا دعاء أنا شبهي قوي كده ولا إيه :)

أه صحيح بالنسبه لنقطة النظرات مش في عين إللي بيتكلم فدي في نوعين نوع بينرفزني جدا إن البنت تكون بتكلمني وبتتبع إللي بيحصل حوالينا عشان ميفوتهاش حاجه ودي بتكون باينه جدا والنوع التاني وده معظم البنات يعني وهو الحياء حتى لو كانت بنت بتكلم بنت

بجد عايزين نوصل من البوست ده لنقطة تواصل بين البنات والولاد لأن بجد كل واحد يهمه رأي ونظرة الطرف الآخر فيه وكمان عشان نعرف الولاد عايزين إيه ..
وعجبتني جدا كلمة مارج " الولاد كله ضرب مفيش شتيمه "
للأسف إن في ناس بتفتكر إن الضرب أو مد الإيد أو فرد العضلات ده من الرجوله أو هو ده إللي هيحفظ مكانته في البيت ..

عايزه أقول حاجه قبل ما أدخل في الموضوع :D
الست بتحافظ على بيتها بكل الطرق لكن الرجل من أول خنقه بيطلع يبص بره البيت
الست لو في تقصير في زوجها بتنبهه لكن الرجل بيفضل الكتمان وشويه شويه بينحدر حال البيت وكان ممكن يستغنى عن كل ده لو نبه زوجته بأي تقصير في بيتها أو في نفسها بدل ما الموضوع يكبر وتبدأ الشكاوي والمشاكل ...

دي حاجه مش عامه بس موجوده بشكل كبير

فاتنى كل دا :D

بتفكرينى بالمجاهده يا إنى ملكه

كملى كملى لحد كدا أنا متفقه معاكى

-------

باشمهندس ياريت حضرتك متتكلمش خالص غير لما نقول كل اللى عندنا :D

ايه ده كله
كل ده فينا يانهار ابيض
بس بجد انا معاك ان فى حاجات كتير صح بس فى كمان حاجات كتير مش صح خالص
او معنى احسن ان صوابعك مش بعضها زى ما بيقوله يعنى
وبجد مدونتك دمها خفيف جداااااا
واكيد هكون من متابعيها بعد كده
تحياااااااااااااتى

بالنسبه لنقطه مبيتعرفش بالغلط دي موجوده في الشعب المصري بشكل عام.. مش موضوع راجل وست
ومتهايلي فيه بنات كتير بتعترف بالغلط لمجرد انها تمشي الامور مش لانها مقتنعه بكده.. ودي حاجه انيل صراحه:d


بالنسبه لباقي الكلام يعني هو مش عايز اخلي الكلام كده ل3 اسباب
1- اني زي ماقولت في الاول خالص ان الموضوع مش موضوع البنات وحشين والولاد حلوين مثلا :) دي حاجات زي ما قولت ((غريبه)) مش موضوع حلوه ووحشه..
2- ان الحاجات دي موجوده وعاديه بدليل مثلا الحاجات اللي اتقالت في الحلقه في البرنامج الستات اللي اتصلو محدش فيهم انكر خالص او كان مضايق وزعلان مثلا.. وده لان زي ماقولت دي مش صفات سيئه يعني..
3- لان حضرتك مقولتيش نقطه معينه يعني.. يعني كل بتقوليه لا دول شواذ عن القاعده بس.. لكن والله كل الناس كده..

على فكره انا عارف ان كل شيويه بستفز حضرتك بس عشان اخلي حضرتك تطلعي كل اللي عندك :d

"مش فاهماها اوي الجزئية دي, يعني اقصد العادي ان الواحد لما بيتنرفز من حد بيبصلوا بغضب, فانت قصدك ايه مش فاهمة :("
لا لا دي ملهاش دعوه بالنرفزه.. بصي على السمايل اللي في الموضوع.. هو لو فيه بنت واحد بيبصلها مثلا لاي سبب كان.. بيتأمل فيها - واحد بيقوله حاجه عليها - بيشبه - سرحان.... اي كان السبب.. فلما البنت تاخد بالها منه تفضل بصاله هي كمان بالطيقه بتاعه السمايل دي بس عنيها ثابته عليه.. يعني لو هو على يمينه تقوم مخليه عنيها على اليمين ومراقباه وكل شيويه تحرك عنيها وبعدين تبص عليه تاني..
الحكايه دي بقه بتمومتني من الضحك :d وكل الشعب بقه يعملها ماشاء الله :d
يعني لو بصت عادي مش حياخد باله او انه عادي واحد بيبص على حد فبيشوفه يمكن يعرفه ولا حاجه او اي سبب من اللي في الموضوع.. لكن كده بيبقى شكلهم يضحك جداااااااا

زهرة الامل:
لا منصحكيش تتفقي مع فيت دعاء خالص دلوقتي :d

طـــائر الليــــل الحـــــزين

ربنا يكرمك يافندم حضرتك اول مره تشرفينا في المدونه
والحمد لله انها عجبتك

وربنا يكرمك ده من ذوقك بس :)

ايه يا عم فيه ايه بس؟؟!!
يعني عمك ياض مااااااشي.. وبعدين موضوع طويل عريض بتتريق على الطف الكائنات البنات دول نسمة يلهوووووي هو فيه احلى من البنات في الدنيا
اجي علشان ارد الاقيك بتقوللي اعملك منظر
هو انا دخلة هنا اتكدر واطلع عااااااااااااااا

بوست عثثثثل والله
وكل كلامك فيه مع الالم مع الاسف صح جدا

حاجة ضحكتني انى جأت من اين لا ادري ولكني اتيت لحضرتك

المفاجأة بقى الاقي عندك تاج
سبحان الله سبحان الله.. لسه مجاوبه امبارح

وانا لا عمري شوفتك ولا اعرف الاخت لوتس

شوفت في الاخر التاجات بتحن ازاي

يااااه على الدنيا يااااااه على العبر

اللي يعيش ياما يشوووووف والنبي يا اخويا

عمتك فتافيت p:

مارج
اهلا بحضرتك اول مره نشوفك في المدونه :)

والله يبارك فيكي يافندم
شوفتو بتقول "ومعاك فعلا ان الحاجات دي حقيقية"ازاي.. عشان تعرفو بس ان حاجات مش بتنتقش منكم ولا حاجه
بالنسبه لحتة اللبس لا مقصدش اولا المحجبات خالص.. لان زي ما قولت اللي بندهشلهم اللي بيلبسو جيبات قصيره وحاجات مفتوحه وكده ومش بردانين..
بالنسبه لنقطه التعصب.. يعني نقطه الطلاق.. هو معرفش يعني مثلا لو اتعصبت اقول لواحد اقتلني واهد حياتي كلها ؟ وكمان اصر على طلبي بكل هدوء كده!! لان الطلاق يعني بتهد كل حياتها خلاص !!
ههههههههههههههههههههههههههههههههههههههه الضرب متهايلي محدش ممكن يوصل ليه الا لو حاجه كارثيه اللي هو تستحق القتل مش الضرب !! بس يمكن الواحد لما يتجوز بيتغير :D
وبمناسبه الضرب على فكره كذا مره الاقي بنات كاتبين انهم نفسهم اجوازهم يضربوهم :d والله العظيم مابهرج..

فتافيت:
هههههههههههههههههههههههه

ربنا يكرمك يافندم :) ومش مع الالم ولا حاجه عشان زي ماقولت دي مش حاجات وحشه مثلا :)

وحلوه الصدفه دي يافندم المهم ان حضرتك شرفتينا في المدونه

وطريقة حضرتك في الكتابه ماشاء الله ظريفه اوي :d

هههههههههههه
هو حضرتك بتشوف البنات دي فين بس؟ :)

انا قصدي على البنات اللي عايزين الضرب :), لا بجد هما ممكن يكونوا قالوا كده هزار, الفكرة بس ان الولد مبيبقاش متخيل الفرق بين الاثر اللي بتحدثه ايده والاثر اللي بتحدثه ايد البنت, يعني حتى في السن الصغير شوية بين 14 و16 سنة مثلا, البنت ممكن تهزر مع اخوها وتزقه زقه بسيطة وممكن لو مش شايفها يفتكرها ناموسة ولا حاجة, لكن الولد لما يهزر الهزار الخفيف ده غصب عنه هيسببلها وجع لأن ايده مهما كان بتبقى اتقل!, وشخصيا ما بحترمش الهزار بالايد لا بين البنات وبعض ولا بين الاولاد وبعض ولا بين الاولاد والبنات ولا بين الاولاد ومحارمهم البنات :)



جزئية الطلاق بقى.... بص يا سيدي, لو في الكلية اتعرفت على واحد , وشفته بعدها مرتين بس ما قعدتوش تتكلموا كتير, وانت سألته ها هتعمل ايه الويك اند ده؟ راح قايلك رايح احشش ياعم :), ساعتها انت غالبا هتصدق انه بتاع حشيش فعلا, وان مصدقتش هتبقى على الاقل مقلق منه, لأن هنا مافيش سبب منطقي يمنع انه يكون كده فعلا, وعشان كده الناس اللي بنتعرف عليهم في الاول ما بنهزرش معاهم كده عشان في البداية كده بيبقى الكلام منطقي جدا وممكن يتصدق, لكن لو واحد صحبك من ست تسع سنين مثلا, وانت عارف انه بني ادم محترم, مهما يقول مش هتصدق انه بيشرب لغاية ماتشوف دليل دامغ او يدخن قدامك فعلا!, طيب صحبك القديم ده جاب ثقته وهو بيهزر منين؟ من انه بالنسبة لك فكرة انه يكون بيدخن فكرة خيالية ولا تفرق كتير عن انه يقولك انا سوبر مان بس مكسل انقذ الناس....

ايه علاقة الرغي ده بالطلاق؟ هشرحلك (هي مش دي مدونة والمدونة وظيفتها الرغي :) نرغي براحتنا بقه) المهم, لما الست بتكون بتقول طلقني, هي بتنفس عن غضبها مش اكتر, بمعنى انها بتكون بتتكلم زي ما صحبك القديم بيقول انا بحشش, الاتنين واثقين مية في المية انهم بيتكلموا عن حاجة خيالية, صحبك بيقول كده عشان ينفس عن خنقته بالهزار, وهي بتقول كده عشان تنفس عن غضبها بالزعيق, مهي غضبانة ولازم تزعق طب هتقول ايه في الزعيق بقى؟ فبتختار الطلاق على اساس انه حاجة بعيدة وخيالية (من وجهة تفكيرها جوا عقلها), لأنها بتبقى متمسكة ببيتها اكتر وقدرتها على النفصال والتغيير الكبير ده بتبقى شبه معدومة ومابتلجألهاش الى غصب عنها اوي , في الغالب يعني,,, لكن الراجل بقى بيبقى بيتعامل زيك لما سمعت من الولد اللي اتعرفت عليه وشفته مرتين انه بيحشش, الفكرة منطقية جدا وممكن تحصل, وبيبقى شايف ان الطلاق ده خيار موجود ومطروح ومسموح لكن هي بتبقى شايفة انه حاجة بعيدة اويييييييي, بدليل زي ماقلت في المدونة انه لما يطلقها بتزعل وتتصدم, تماما زي ما صحبك القديم ممكن يتجنن لو لقاك صدقت هزاره........

...................
ههههههههههههه اديني باسورد المدونة اسهل:) ده الرغي ده اكتر من اللي انت كاتبه في الموضوع اساسا :)

@اني ملكة
ههههههه انتي فعلا شبهك جامد :) منورة يا بنوتة, وعايزين نبقى نشوف مدوناتك اللي قافلهم دول, حد يعمل مدونتين مقفولين, طب واحدة مقفولة وواحدة مفتوحة, انما اتنين مقفولين :D

مستنيين نشوف كتاباتك.....

ماشاء الله على فكره طريقتك في الاقناع ممتازه جدا

بس طبعا لازلت مختلف بشده وان كنت فهمت قصدك في البنات بتفكر ازاي..
هو كمان في البرنامج قالو النقطه دي برضه.. والستات قالت انها بتهوش و بتشوف غلاوتها عنده وكلام غريب كده !! يعني مش دي الحاجه اللي ينفع تغامر وتجرب بيها !!
المهم نرجع للموضوع.. مهو من نفس منطق حضرتك انهم المفروض بقو قدام خلاص مش لسه حيعرفو بعض.. والست المفروض تكون ادركت خلاص الراجل وتصرفاته وردود افعاله وتناوله للامور وكده.. وانه اكيد مش حتفضل تقوله طلقني ومصره وهو معندوش كرامه خالص !!
يعني اكيد خلاص عرفته


بالنسبه لحكايه الضرب والله ما بهرج :d
قريتها مرات كتيييييير في المنتديات والمدونات وكده
بس دي اللي ممكن نقول لكل قاعده شواذ فعلا..

عارفه
ده فكرني بموقف تاني كمان بيجي كتير في التمثليات والافلام
لما يكون الاب متوفي والست ماسكه زمام الامور وابنها ينيل الدنيا في حاجه وتتخانق معاه خناقه عالميه وفي الاخر تقوله امشي اطلع برررره ومتقعدش في بيتي.. يجي الواد خارج..
تقولي خد ياواد رايح فين تعال هنا !!
او لو خرج تقعد تعيط

اقتباس:
ماشاء الله على فكره طريقتك في الاقناع ممتازه جدا

ربنا يكرمك, انا بطل قديم لولا الحظ :)

________________

بالضبط يا فندم, واللي حضرتك متعرفوش بقى, ودي معلومة خطيرة وسر من اسرار بنات جنسي, ان البنت مبتفكرش بطريقة انا عايشة معاه من زمان مهو اكيد بيحبني, لا خالص ابسولوتلي :) البنت في الغالب, بتبقى محتاجة انها تحس انها محبوبة طوووووووول عمرها, مش معنى كده ان المطلوب انه يجيبلها ورد كل يوم, بس ممكن حاجات بسيطة جدا يعملها وتحسسها انه لسه مهتم بيها, يعني انا قريت قبل كده انه ممكن رجل يعتقد انه عشان بيعمل عدد ساعات اكبر وبيخلي الدخل بتاعهما شهريا بدل مايكونوا "ميسوري الحال" يكونوا "مرفهين" ويعتقد كده انه بيكتسب كل يوم نقطة في حب زوجته ليه ويبقى فاكر انه كده شهريا رصيده بيبقى تلاتين نقطة زيادة بس عشان بيروح الشغل, مش حكاية غرور وكده بس هي دي طبيعة تفكيره, البنت بقى لا, بتبقى عندها شغله ده نقطة واحدة, لما يرجع من الشغل جايبلها تشوكلات يبقى نقطتين ولما يساعدها في حاجة بسيطة جدا في الشقة او حتى يقف يرغي معاها عن يومه وهي بتطبخ, هي بتعتبر ده اهتمام, يعني الحاجات البسيطة جدا بس بشكل مستمر تسعدها اكتر من الحاجات الكبيرة جدا بشكل متقطع.....

ما شاء الله الردود كتيره وقريتها كلها

عشان ردود ظريفه

انا كتبت رد طويل بس مسحته تانى

الموضوع بجد ظريف وانا ضحكت كتير وانا بشوفه

بس فيه مبالغه في بعض الحاجات
يعنى اكيد مش كل البنات تفكيرها كده

واكيد الولاد ليهم مواقف تضحك بردو وعاوزين حضرتك تتكلم عنها شويه بصفتك منهم :D

marge:
:):)
جديده حكايه ان الكفاح بتاع طول الشهر بيتحسب على انه حاجه واحده بس
بس ماشاء الله عرفت شيويه معلومات حلوه :d



ENG: nagwa
ولكم ولكم يافندم
ليه بس مسحتي الرد الطويل ؟ حضرتك ماشاء الله شايفانا واخدين راحتنا يعني فعادي خالص :D

هو بالنسبه للحاجات " الغريبه " متهايلي معرفش اقولها لان اكيد مش شايفها لان انتو برضه اكيد مش حاسين بالحاجات دي برضه انها غريبه.. يعني اللي هو زي ان الواحد لازم يطلع بره نفسه عشان يشوف بعض اخطاءه اللي مبيخدش باله منها
بس لو حد عنده اي فضائح كلنا اذان صاغيه :d




شوفو دي.. هي بعيد عن الموضوع عشان تعتبر تريقه مش اندهاش من حاجات غريبه :d
http://www.facebook.com/video/video.php?v=54598440727&ref=share

عايزه أعرف حضرتك بتشوف أمثلة البنات دي فين !!!!!

الكلام ده مبيحصلش غير في الأفلام وبس ..

مارج ما شاء الله كلامك جميل جدا ..

سنة الحياة ولا مفر
للرجال أو النساء

Anonymous:
هي دايما الحقيقه كده مؤلمه :D

dr_romaisaa
اهلا بحضرتك ماشاء الله حضرتك اول مره تشرفينا يافندم :)

السلام عليكم ورحمة الله وبركاته


نبارك لكم انشاء مدونتكم :)

امممم

بس اعتقد النقاط التي ذكرتموها ليست ثابتة ولا دائمة في البنات ..

ولكنها نسبة اراها - ليست كبيرة - رغم استفزازها

باستثناء نقطة انها لا تنظر في وجه المخاطب فأراها ميزة وليست عيبا

حتى وان كانت عادة وليست للحياء :)

وعليكم السلام ورحمة الله وبركاته

اهلا اهلا بحضرتك يادكتور البنا :)
حضرتك اول مره تشرفينا في المدونه يافندم ربنا يبارك في حضرتك


لا لا متحاوليش :d نسبه كبيره معروف :d
:)

بالنسبه لحكايه النظر لوجه المخاطب انا مقولتش ان الحاجات دي كلها وحشه اصلا.. زي ما قولت دي حاجات بستغربها بس ومعرفش ايه الدافع ليها.. مش حكايه انها حلوه او وحشه
بس لو مش حياء تبقى غريبه يعني..

بحسهم مش مركزين كده يعني لو واحده سالت الدكتور على حاجه وهو بيجاوبها عمال تتنطط بالطريقه الغريبه دي :d

ههههههههه
سكررر
اجمل حاجة وحقيقة فعلا
طلقنى طلقنى واما يطلقها من الضغط تتصدم زى مشهد الشقة من حق الزوجة وقفت معالى زايد فوق راس محمود عبدالعزيز وهو راجع من سواقة التاكسى .. هههه...وانت متجوزنى واللا متجوز التاكسى ؟؟؟
حد يتجوز تاكسى ياحبيبتى ؟؟
دى مابقتش عيشة.. طلقنىىىىى
هههههه
اتخنق وطلق .. اتصدمتتتتت
عثثثثثل والله
تقبل مرورى
ملكة بحجابى

ربنا يبارك فيكم يا فندم

---

امم ربما كبيرة بس مش بتعامل او احتك بهم كثيرا :)

نقطة النظر بقول حتى لو مش في بالها نقطة الحياء وهيا مجرد تعود ففي الاخر مش مشكلة

افضل بردو من انها تنظر

واعتقد اللي بتحدثه مش شرط يكون عارف انها مثلا تعود مش حياء


المهم ..

اللهم ارزق بناتنا الهداية والعفاف والاحترام ...

اقتباس:نقطة النظر بقول حتى لو مش في بالها نقطة الحياء وهيا مجرد تعود ففي الاخر مش مشكلة
________________________________

انا اختلف معاكي في النقطة دي, لأنه لو مش حياء, يبقى خلل ما في شخصية اللي ادامك, ومتهيالي مافيش اتنين يختلفوا على انك لما تكوني بتكلمي حد وبيبص في السقف او في الارض او في الجنب, بشكل او بآخر مبتبقيش حاسة انه مركز معاكي او بيسمعك,
لو حياء حاجة ,, ولو مش حياء ده موضوع تاني خاااااااااااااااالص

مش فهمتوني صح :)

انا اقصد ممكن الشخصية في حد ذاتها نقطة الحياء مش قدامها او مش هيا اللي بتسير عليها
بس اعتادت او نشأت على انها لما تكلم الجنس الاخر مش تنظر اليه .. تعودت على ذلك :)

مش نقطة خلل نفسي .. او عدم توازن


انما لو فعلا حاجة نفسية او عدم اتزان او كدة يبقى طبعة مش ميزة :)

مش قادره اقرأ كل الردود
اييييييييه الرغى دا كله
دانتو شايلين من بعض اوى:d

هروح اقرأ المدونه كمان مره واجى اقول كلمتين من نفسى انا كمان

SaRaSeErO:
لا لا مش لازم تقري كل الردود
عادي يعني قولي تعليقك انتي على التدوينه نفسها وخلاص

عشان كده لو كلمت اي بنت فلما نوصل للاخر لقرار معين او اتفاق واضح يعني.. بكرره مرتين ولا حاجه واقول تمام.. يبقى ملخص كلامنا اننا اتفقنا على كذا وكذا وكذا اوقلها باكتر شكل واضح ممكن عشان ميبقاش فيه اي احتمال ان هي قالت كلام متقصدوش او الحاجات دي

الجزء ده تحفه تحفه تحفه
ههههههههههههههههههههه
كل ماقرأه لازم اقعد اضحك عليه



بصراحه حكايت الكلام اللى مش مقصود ده
مش ف البنات اصلن
وان كانت واحده بس من اصحابى هيا اللى بتعمل كدا معانا وبنقول عليها مجنونه

انما معظم الولاد هما اللى بيخبطو ف الكلام لما يكونو زعلانين
يعنى اخويا مثلن بيقعد يهزقنى لما يكون زعلان منى او متغاظ وييجى بعد اقل من خمس دقايق يكلمنى عادى خالص ولا كأنه قال حاجه
بقعد انا بقى اقول هو لحق ينسى كل اللى قاله من شويه

هيا مش حاجه غريبه
لأن اللى بيتضايق او بيتجرح هوا اللى مبينساش بسهوله
انما واحد قال كلمتين وخلاص ومحدش ضايقه سهل انه يقول اسف وينساهم
عادى خالص

حكايت اللبس دى بقى
انا بقعد ابص للبنات دول واقول يابختهم
كل البرد ده مش مأثر فيهم
لو حد عرف بقى هما بيتغلبو ع البرد ازاى يبقى يقوللى
اهو
منهم نستفيد بردو

ايه تانى


انما نموذج طلقنى ده بصراحه مشوفتهوش غير ف الافلام والمسلسلات
بس اكيد يعنى هيا بتقول كدا كنوع من الدلع ع الراجل يعنى
هوا المفروض يكبر دماغه بقى ويلم الدور
ويضحك عليها بكلمتين حلوين وخلاص
اومال عمالين تقولو انتو العاقلين
انتو العاقلين ليه


حاجه كمان مشهوره جدا بقه.. في ابداء الراي في اي حاجه يكون الراجل مش فارقه معاه في الموضوع ده ويبقى عايز يريح الست وتعمل اللي تحبه

ليه مش فارقه معاه يعنى
مايبدأ هوا الكلام ويقولها هناكل ايه
طب ناكل بره ناكل جوه
يشاركها الحياه والتفكير يعنى
يحسسها انه مهتم باللى ف البيت
يكلمها شويه عن الاكل
شويه عن شغله عن شغلها
اومال هوا عايز يعنى يرجع يلاقيها ياما الاكل كذا اقعد كل
يااما معملتش اكل يالا نخرج ناكل بره
مفيش اى حوار خالص كدا

مش فاهمه انا مستغربين ع ايه انتو :d

حكايت البص ف العين دى بقى مشكلتى

فيه دكتور تنميه بشريه قاللى انى المفروض انمى عندى الاى كونتاكت والبودى لانجوتش
وارجع ده لنقص الثقه ف النفس
قالو لو الشخص وثق ف نفسه هيقدر يبص ف عين اللى بيكلمه سواء كان بنت او ولد

انا عن نفسى لو بصيت ف عين حد وانا بتكلم الكلام بيهرب منى
سواء بكلم ولد او بنت
اكيد فيه بنات كتير كدا

انما البصه الخبيثه دى بقى
انا وربنا لو شفت بنت بتبص كدا هأضحك عليها

والولاد بيحيبو البنات زي ماهما والله:) ماحدش عايز يتجوز واحد صاحبه يعني!! فاختلافات دي بالرغم من شدة غرابتها بس حلوه بشكل او باخر

هههههههههههههه
انتا بتلحق نفسك بعد كل اللى قلته دا

بس بجد موضوع تحفه
ربنا يبارك فيك وف موهبتك

طيب ادينى قلت اهوه

واوعو حد يعترض ع كلامى

دكتور سراسيرو :D
ربنا يكرمك ويبارك فيكي يافندم

بالنسبه لنموذج طلقني لا والله ده متكرر جدا.. وكمان ازاي ده دلع ؟ دي فيها اهانه رهيبه للراجل !! لانها كده بتقوله انا خلاص مش عايزه اعيش معاك!! وكمان هو يبقى حاببها وعايزها فعلا.. بس هي بتطلب بجد ومصره زي ما قولت في نموذج الكلام.. فالراجل ليه كرامته برضه !!
ومش معقول انها تدلع بحاجه ممكن تخرب بيتها يعني


بالنسبه لنقطه الاكل انا قصدي بمش فارقه معاه انه مووده حلو يعني وعايز يريح مراته في الحته دي.. يعني حاببها تعمل اللي يعجبها في الحته دي على مزاجها.. ده بيريحها يعني..
انا فاهم قصدي ان فيه ناس عامة سايبه الحياه كلها دي.. ومش عايزين يتكلمو في اي حاجه خالص.. ويادوب ياكل اي اكل مرمي و ينام و ينزل مع صحابه ومش معبر مراته خالص ولا حتى في النقاش الغدا ايه !
دي حاجه لا تحتمل طبعا بس انا مقصدتش كده..
انا قصدي عامة يعني احيانا الواحد بيبسيب اللي قدامه يعمل اللي يحبه عشان يكون مبسوط ومستريح..
لكن فيما عدا ذلك عادي يعني بيتكلمو ويتناقشو وكل حاجه


ماشاء الله حضرتك اضفتي زوايا جديده للموضوع بردودك يادكتور :)

هوا يعنى حضرتك متأكد انك شفت واحده ع ارض الواقع مجرد خناقه بينه وبين جوزها تروح قيلاله طلقنى؟؟؟؟؟!!!!!!

اصلى بيتهيألى مفيش واحده مجنونه او عبيطه كدا يعنى

او دى بقى تفسيرها الوحيد انها بتبقى فعلن عايزه تتطلق

طب لما هوا كدا اومال بتيجى تزعل ليه لما تتطلق؟؟

وبعدين

مين هيقولنا دلوقتى

ومش معقول انها تدلع بحاجه ممكن تخرب بيتها يعني

انا عارفالها بقى
مانا مش لقيلها تفسير


بالنسبه لنقطه الاكل انا قصدي بمش فارقه معاه انه مووده حلو يعني وعايز يريح مراته في الحته دي.. يعني حاببها تعمل اللي يعجبها في الحته دي على مزاجها.. ده بيريحها يعني.

ماهوا اللى بيريحها بقى ف الوقت ده انه ياخد ويدى ف الكلام معاها

الراجل فاكر انه لما يقول لمراته اعملى اللى يريحك
هوا كدا بيريحها
لا
ابسوليوتلى

انا عن نفسى لما حد يقولى اعملى اللى يريحك بتغاظ
مانا لو عايزه اعمل اللى يريحنى مكنتش سألتك اصلن من الاول

ياسبحان الله :D
يعني لو فضلنا نطلب علطول حاجات معينه واضحه محدده تقولو ده بيتحكم فينا وعايز يسيطر على كل حاجه ويلغي شخصيتنا و مش مدينا فرصه نعمل حاجه و..و..و..
ولما يديكو الفرصه احيانا تعملو شيويه حاجات على مزاجكم تقولو لا انا كده بتضايق ومش عارفه اتصرف

البنات دووول :d


انا عارف ان مش قصدك كده بالظبط.. واللي بتقوليه حاجه تانيه.. زي ما اكون احيانا باخد رأي واحد صاحبي في حاجه يقولي اعمل اللي يعجبك !! يعمي هو انا بستأذنك !! مانا حعمل اللي عايزه يعني !! انا بعرف وجهة نظرك بس لعل وعسى تضيف جديد !!!

بس ده موقف مختلف يادكتوره.. يعني هو بالنسباله كل حاجه حلوه وعايز يريحك النهارده على مزاجك.. فلو مكسله تعملي اكل ياكلك بره.. لو عايزه تزوري والدتك او حاجه.. فنتغدى عندها.. لو جايبه حاجات حلوه وعايزه تعمليها في الغدا اعمليها ياستي.. يعني هو عايز يريحك انتي ويخليكي مبسوطه في الموقف ده طبقا للي تحبيه

موقف عابر يعني مش طريقة حياه كامله..

دكتور طارق

هوا مدحت ده قريبك؟؟؟

هههههههههههههههههههههههههههه
لا مش قريبي :D

وايه دكتور دي :d
انا في هندسة

اووووووووووو

ايم سورى

والله مش قصدى

انا بس متعوده ع كلمت دكتور دى

سورى كمان مره يابشمهندس

عادي يادكتور هي كلمة دكتور دي وحشه ولا ايه :)

مشرفانا دايما يافندم في المدونه :)

ينهار ابيض يا جدعان
دا أنا اتفحت عشان أول للآخر :D
مووضوع رائع يا برنس والله
حبيت أتفرج بس على الملحمه من بعيد

:D

نووووووووور
نورتنا ياجميل والله :)

فعلا كل الكلام مظبوط
بس كده الواحده تنكر انها منهن

بس سؤال يعنى ازاى بتبص بعنيها من غير ما تحرك رقبتها

مشفتهاش دى قبل كده