انت كمان عملت جزء تانى

واضح انك متضايق اوى من البنات

ماشي ماشي ليكو يوم بردو حد يتكلم عنكو وعن افعالكو

:d:D:D:Dd
لا والله يابشمهندسه زي ما قولت في الجزء الاولاني دي حاجات بستغربها وبندهشلها في البنات بس ولا اعلم الدافع ورائها :)

ايه ده أنا مطلعتش بنت ..

لا الجزء ده فعلا صح جدااااا والمره دي بقى نادرا جدا لو في بنت مش كده

بس بجد فيه كلام كتير حضرتك عندك حق فيه

فيه تصرفات البنات بتعملها بتضايقنى جدا

وخصوصا في لبسهم ودلعهم الزياده مع الولاد في اسلوب كلامهم

حضرتك حاطط نقرك من نقر البنات
:D

موضوع الاسدال ده انا متفقة معاك بشكل كامل فيه

بس موضوع انها تبقي فرحانة بالمشاعر حتى لو كدب مش متفقة معاك فيها

وبعدين احنا بني ادمين طبيعيين والله
بنات زي الولاد

ليه دايما تفرقوا احساسنا عن بعض

كلنا مبنحبش الكدب فى المشاعر
هو ممكن الحاجات دي تبقي على واحدة عندها فراغ عاتشفي مثلا ولا حاجة
وعايزة تسمع اى حاجة من اى حد

لكن مش القاعدة العامة الحمدلله

بث كدة
:D

على فكرة لو فى جزء تالت انصح حضرتك متنزلوش لأن كل زوار بلوجتك من البنات
واحنا زعلنا وحش
:D
ممكن يقلب بامطار تدوينية يصاحبها برق ورعد بلوجرى انثوي
:D :D

انت اللي جبته لنفسك :D

إني ملكة ..:
طب الحمد لله :d

eng: nagwa :
لا لا هو انا مش اقصد اعرض حاجات مش كويسه في البنات يعني.. زي ماقولت دي الحاجات اللي بستغربها اوي لان اكثرها غير منطقيه اصلا..

لكن بلاويكم اكتر بكتييييير :d

مشرفانا في يافندم في البلوج دايما ومبارك مره تانيه على النجاح وعقبال التفوق دايما ان شاء الله :)

كافية طيبة:
والله كنت اتمنى يبقى فيه تالت :P بس
خلاص قولت كل اللي عندي :d


"ممكن يقلب بامطار تدوينية يصاحبها برق ورعد بلوجرى انثوي"
:D:D:D:D:D
اللهم احفظنا :d
ان كيدهن عظيم

helsing:
ماشاء الله على الرجاله اللي بتخلع من قبل ما حاجه تحصل اصلا :@

ليه بس النظرة السوداوية دي
على فكرة النسبة دي مهياش بالحجم الفظيع لكن ظهورها الواضح هو اللي بيخيل ليكم الحجم ده
يعني لو حسبتوا نسبة البنات المحترمات في تعاملهم ولبسهم وكل حاجة هتلاقوهم كتير جدا
لكن متخفيين عن الانظار لحيائهم واخلاقهم
ولانهم مش بيختلطوا بالشباب
فهونوا عليكم الامر

dr_romaisaa:
لا والله انا بحسها بالحجم بشع بشع :D
لكن طبعا فيه بنات والله العظيم يا دكتور انا بحسهم حور عين نازلين من الجنه ماشاء الله بجد !
واشمعنه دي بس اللي رديتي عليها ؟ ما فيه فضايح تانيه :P

اهلا بحضرتك مره تانيه في البلوج حضرتك مشرفانا دايما :)

لكن بما ان انا اختلاطي بالفئة المحافظة
فانا مش شايفة المشكلة بالحجم ده
هي الفكرة ان كل منا حكم من وجهة نظره هو وما يراه
لكن لو جمعنا الرايان سويا
هتلاقي فيه توازن
وساعتها هنعرف ان المشكلة موجودة لكن ايضا الحل موجود وبيمتد للفئة اللي مدايقة حضرتك دي

مممممممممم
طب راي حضرتك النسبه الغلط كام في الميه مثلا؟

محدش يقدر يحدد النسبة طبعا
لكن لا احد ينكر ان فيه تحسن كبير جدا
يعني الاول البنت مكنتش بتبقى محجبة خالص ولبسها صعب جدا
دلوقتي هي نفس البنت بس لابسة اسدال مثلا
من وجهة نظري ان ده حاجة مش وحشة حتى لو كانت نيتها فيه مش نية حجاب شرعي او انها تكون بتحط ميكاب عليه
يعني الشاب الاول كان بيجاهد نفسه بالنسبة للبسها ولكلامها معاه فهي وفرت عليه نقطة اللبس
مجمل الكلام ان الان فيه تحسن وان شاء الله مع الزمن النسبة تقل خالص لحد ما ان شاء الله ياتي الوقت وتختفي تماما

مهو انا استغرابي بقه ازاي لبست الاسدال اصلا؟ اكيد انا مش زعلان يعني عشانها لابساه لكني مندهش..
يعني لو واحد امريكي.. عمره ما حيرفع علم السودان في بلكونته مثلا.. حتبقى حاجه غير مفهومه لان مفيش دافع..

ولو هي بتاخده خطوه اولى غالبا غالبا مش حتنط جوا الاسدال مره واحده.. يعني مثلا تبدأ بجيبات و الحاجات الطويله دي.. وشخصيتها ولبسها يتطورو وينعكسو على بعض
صح ؟

نسيت اقول عجبتني نقطه الشاب دي..
وكمان كنت عايز اسال حضرتك ليه مبقتيش تكتبي في مدونتك ؟

مش عارفة والله
كتير بافكر ارجع اكتب فيها وبعدين بتشغل
دعواتكم

ربنا يعينك يافندم وان شاء الله نشوف المدونه فيها مواضيع تاني قريب :)

واضح ان حضرتك مش ناوي تجيبها لبر :) :)


ههههههههههههههههههه

ماشي يا م.طارق, لنا عودة, بس فعلا منصحش حضرتك بجزء تالت خالص, وعلى فكرة بجد التدوينتين دول انا بفكر جديا افتح بلوج مخصوص عشان ارد عليهم :) هههههههههههه يعني احتمال تهديد التدوينة العاصفة الرعدية تنزل على مدونة حضرتك فعلا.....

Marge:
اهلا اهلا :D
هو بس مفيش جزء تالت اصلا بس كنت اتمنى والله :d

ولما نشوف التهديدات دي كلها في الاخر حتبقى كلام وبس ولا ايه :d
اذود الحكايه دي في الموضوع برضه ؟ :D

:)
لا من ناحية هتحصل فهتحصل ان شاء الله :)

انا هاجي تاني وارد على التدوينة.... وكإثبات لوجود عدوانية سوير اقصد لحسن النية :) هعلق على جزئية صغيرة وهرجع تاني بعد شوية ان شاء الله لباقي التدوينة....


جزئية البنت اللي لابسة اسدال, وخصوصا الجملة اللي حضرتك قلتها, مافيش امريكي بيرفع علم السوادن, بيس جدا,


الدين الاسلامي, مافيهوش رجال دين, ومافيهوش رهبانية, ومافيهوش انبياء ولا رسل بعد محمد عليه الصلاة والسلام... معنى كده ايه؟ قصدك تقولي ان مبقاش فيه متدينين فعلا؟ لا انا بقول مافيش رسل ولا انبياء تاني خلاص, يعني ايه طيب؟ يعني الاسلام دلوقتي مالوش سفراء ومالوش علم خلاص, ومتفهمنيش غلط , للمرة التانية انا مش بقول ان مافيش متدينين بدرجة عالية, لا انا بقول مافيش سفراء وبس, والسفير هو الانسان اللي دولة ما بتبعته لدولة ما تانية عشان يعبر فيها عن راي الدولة الاولى, يعني السفير مالوش انه يطلع تصريح انه بيكره بواب العمارة اللي ساكن فيها مثلا :), ليه؟ علشان ده رايي شخصي, وهو هنا بصفته سفير, اي فتفوتة يعملها دولته مسئولة عنها, واي حاجة اي حاجة يعملها او يقولها او ياكلها حتى لازم تكون تتوافق عن الدولة اللي هو بيمثلها, ولو غلط في اي حاجة دولته تتحمل, لكن الاسلام مالوش سفراء, يعني الجملة اللي حضرتك قلتها دي مش دقيقة او مش مضبوطة, لأن مش معنى اني قررت اني اختار حاجة سهلة اقدر اعملها واقلل ذنوبي شوية في حاجة معينة اني ابقى سفيرة للاسلام وكل حاجة بعملها تعبر عنه, يعني مش معنى ان واحدة منقبة انها رسول الله المنزل اللي لا يأتيه الباطل من اي ناحية, لا مش من حقنا لا اننا نطالبها تبقى كاملة, ولا اننا نحمل الاسلام اخطائها لما تغلط, هي بتعبر عن نفسها وبس, ومادام بتعبر عن نفسها وبس تبقى حرة انها تلتزم في حاجة ولو معملتهاش كاملة, يعني لو بنت لابسة اسدال وحاطة مكياج, مش مفروض يكون السؤال ليه مش اكتر؟ المفروض التعليق يكون الحمدلله مش اقل, عقبال الالتزام في حاجات تانية اكتر, وعقبال باقي البنات, لكن مش نطلعها غلطانة كمان, هي كانت اعلنت انها رسول الله عشان نقولها انت ليه مش كاملة؟ ونفس الكلام على الولد اللي مربي دقنه مثلا, هو حر يربيها عشان متدين يربيها عشان عاجبه شكله, مهما عمل لا يحمل مسئولية اكتر من مسئولية نفسه وبس, لانطالبه بحق الاسلام ولا نطالب الاسلام بحقه....



ولنا عودة ان شاء الله, واتمنى كلامي مايفتهمش غلط :)

لا طبعا مش مقتنع باي حاجه :D

مش عارف ليه كلكم ماسكين في دي بالذات بس :D

المهم سيبك من المثال لو مكنش دقيق اوي يعني كده.. لكن انا مقصدتش ان البنات اللي لابسه اسدال دي المفروض تكون خلاص رمز للاسلام في كل تصرفاتها طالما لبست كده.. مقصدتش كده خالص ولا قولت انها ملزمه بكده.. ولا قولت ان مش الحمد لله انها لبست كده.. وزي ماقالت دكتور روميساء الحكايه دي ليها جوانب ايجابيه كتير ماشاءا لله..

بس زي ما قولت في المثال بتاع الولاد.. غالبا غالبا لو واحد التحى.. ده بيعكس فكره اللي غالبا بيكون بقه التزم بجد ماشاء الله فبيبدء يلتحي كمان او يقصر البنطلون وكده.. وهو اكيد اي واحد في الدنيا بيغلط برضه.. بس ده بيكون شديد الحرص على عدم الجهر بالذنب مثلا.. وحاجات كتير كده..
لكن البنات مفيش اي علاقه خالص !! يعني شخصيتها في اتجاه و لبسها في اتجاه وطريقة التعامل في اتجاه.. !! ووكانهم مش بيتاُثرو او ليهم علاقه ببعض!!
يعني ممكن اه زي ما قولتي يكون في واحده بتحاول تقلل ذنوبها مثلا.. بس بحسها برضه حاجه غير منطقيه ابدا ان تكون واحده بتسلم بالايد مثلا حتى بعد ما لبست الاسدال (مش هي دي بس طبعا بس ده احد الامثله الكتيره).. واحنا مش بنتكلم عن حاجه واحده سيئه جنب اللبس ده في الناحيه المقابله مثلا.. لا دي بتكون زي ماهي تماما تقريبا.. وانا مش حاحاسبها مثلا.. الله اعلم في قلبها ايه يمكن تكون افضل من عشره زيي..
بس زي ما قولت لازلت بندهش ازاي واحد يبقى جواه نصين كل واحد في اتجاه وملهمش اي علاقه ببعض تقريبا..


وكمان مره باكد اكيد دي مش حاجه وحشه ابدا.. زي ما قولت دي حاجات بندهشلها بس ولا اعلم سببها..

لكن بدون شك اكيد حد تصرفاته تعبانه بس لابسه محتشم افضل الف مره من واحده عريانه كمان !!

اقتباس:
لا طبعا مش مقتنع باي حاجه :D

مش عارف ليه كلكم ماسكين في دي بالذات بس :D


:) انا هرد على كل النقاط ان شاء الله, بس انا قلت دي اللي هرد عليها دلوقتي وهرد تاني بعدين,

اقتباس:
المهم سيبك من المثال لو مكنش دقيق اوي يعني كده.. لكن انا مقصدتش ان البنات اللي لابسه اسدال دي المفروض تكون خلاص رمز للاسلام في كل تصرفاتها طالما لبست كده.. مقصدتش كده خالص ولا قولت انها ملزمه بكده.. ولا قولت ان مش الحمد لله انها لبست كده.. وزي ماقالت دكتور روميساء الحكايه دي ليها جوانب ايجابيه كتير ماشاءا لله..

اوك, متفقين في النقطة دي :)

اقتباس مع بعض الاختصار:
بس زي ما قولت في المثال بتاع الولاد.. غالبا غالبا لو واحد التحى.. ده بيعكس فكره اللي غالبا بيكون بقه التزم بجد ماشاء الله..
لكن البنات مفيش اي علاقه خالص !! يعني شخصيتها في اتجاه و لبسها في اتجاه وطريقة التعامل في اتجاه.. !! ووكانهم مش بيتاُثرو او ليهم علاقه ببعض!!
يعني ممكن اه زي ما قولتي يكون في واحده بتحاول تقلل ذنوبها مثلا..واحنا مش بنتكلم عن حاجه واحده سيئه جنب اللبس ده في الناحيه المقابله مثلا.. لا دي بتكون زي ماهي تماما تقريبا.. وانا مش حاحاسبها مثلا.. الله اعلم في قلبها ايه

طيب دلوقتي بتقول حضرتك بتقول ان الاختلاف بيبقى في مجال واحد, يعني في مجال اللبس نفسه وكده, اولا المقارنة بين الاولاد والبنات هنا هتكون مجحفة جدا, لأن الأولاد محدش بيجبرهم على اتخذا مظهر معين, يعني برغم تحفظي على ان الملتحي غالبا متدين, لأن في احيان كتير بيبقى تدين قشري خارجي, لكن مش قضيتنا دلوقتي, المهم ان الود محدش بيجبره انه يلتحي (الا حالات نادرة جدا جدا طبعا) وبالتالي ممكن لما يلتحي يكون عن اقتناع, لكن البنت في الغالب بل والغالبية العظمى, مجبرين بشكل مباشر او غير مباشر على اتخاذ مظهر معين, بشكل مباشر بضغط من والدها او محارمها الرجال, وباختلاف اسلوب الاجبار من بيئة لاخرى ومن ثقافة ومستوى تعليمي لاخر لكن كله بيستوي في نتيجة واحدة, البنت مجبرة على اتخاذ ستايل لبس معين دايما, او اجبار غير مباشر, من ان الناس اللي حواليها -اللي ملهمش سلطة عليها زي الجيران والقرايب والاصحاب- يقعدوا يضايقوها عشان لسه مبينة شعرها مثلا او عشان مش لابسة اسدال وبنات العيلة كلهم لبسوه... في الحالة دي ممكن ده يحصل فعلا وتبقى لابسة طرحة وبنطلون قصير او جيبة قصيرة وبوط مثلا...
وانا برضه بتكلم زيك تماما , كبحث لتبرير للتصرفات دي , لكن مع او ضد ده موضوع تاني خالص, انا بس بتضايق من تحميل البنات أكتر مما يستحقوا...

اقتباس:
لكن بدون شك اكيد حد تصرفاته تعبانه بس لابسه محتشم افضل الف مره من واحده عريانه كمان !!


بص خلينا نكون واقعيين, مهما البنات تبرجوا, برضه بيبقى فيه حدود بيقفوا ادامها في اختيارهم للبسهم في الشارع, انا احترم اكتر بنت لبسها محتشم ومبنية شعرها ومحترمة في تعاملها ومتحفزة في تعاملها مع الاولاد بحدود عن واحدة مغطية شعرها ومش محترمة في تعاملها, ليه؟ علشان سهل اوي اني البس بنتي طرحة او اجبرها تلبسها, لكن اللي محتاج مجهود اني اعلمها الاحترام والاخلاق الطيبة في التعامل, مش معنى كده اني ضد الحجاب ولا مع التبرج , انا قلت قضية مع او ضد دي مش مجالها هنا خالص, لكن انا بس بقول اني ان المظهر على قد ماهو مهم فهو اقل اهمية من الأخلاق والتعامل...
ولو عشان المظهر هيأثر في الرجال اللي بيشوفوها في الشارع والمجتع بيتاثر بلبس نساؤه والكلام ده, هقول لحضرتك هي المحجبة اللي تصرقاتها تعبانة على وصف حضرتك هتدي ايه للمجتمع؟ هتربي اولادها ازاي؟ ولو على الفتنة مهي هتفتن الناس بتصرفاتها, وبأكد تاني مافيش بنت بتمشي عريانة ولا شبه عريانة فيه بنت متبرجة لكن مهما كان برضه بحدود

تصحيح: انا احترم اكتر بنت لبسها محتشم ومبنية شعرها ومحترمة في تعاملها و"متحفظــة*" في تعاملها مع الاولاد

كلمة متحفظة كتبتها غلط الرد اللي فات , غلطة مطبعية :)

مممممم
طب هو انا اكيد معرفش في عالم البنات زيك بس متهايلي الضفوط بتكون للحجاب واللبس المتوسط (من وجهة نظر العامة) فقط.. لكن لو تخطى كده بيكون نسبه قليله اعتقد..
صح ولا ايه ؟

وكمان لو كان نتيجه ضغوط اولى بيهم كمان الميك اب وكده مش منظر خااااالص مع اللبس ده خاصه لما يكون رهيب (وما اكثرهم)

لا للأسف الاجبار موجود في الاسدا والنقاب كمان :(

اقتباس:وكمان لو كان نتيجه ضغوط اولى بيهم كمان الميك اب وكده مش منظر خااااالص مع اللبس ده خاصه لما يكون رهيب (وما اكثرهم)

فيه حد بيقفل صمام البخار في حلة الضغط؟ ههههههههه انا قصدي ان كتير الاهل لما بيبجروا البنت على اللبس, ايا كان طرحة اسدال.... بيحاولوا ميخنقوهاش عشان متفلتش منهم وتحس انها مضطهدة ومتضايقش ومتكرهش اللبس اوي... تبقى بتكرهه فقط, بس مش بتكرهه اوي :)

لا عريانه دي كنايه ولكنها شديدة التعبير صراحه !! اللي بيبقو لابسين بديهات ضيقه او اشياء من هذا القبيل دول الله يهديهم ماشين عريانين بجد !!
واكيد الاخلاق اهم من المظهر.. لكن عامة انا مش بتكلم لا على اخلاق ولا مظهر :D يعني في الحالتين ربنا يهديها ان شاء الله ويرزقها الصحبه الصالحه وكده.. بس انا بتكلم في الالتزام يعني.. مينفعش حد يتلزم كالتزام الا وده بينعكس في كل حاجه في حياته واولهم شخصيته
ف هاو كم ؟ بتبقى شكلها غريب جدا وغير منطقي يعني

فيه ناس يافندم بيربوا بناتهم على ان ايديها مش عورة, فبالتالي مبيبقاش عيب بالنسبة لها انها تبينها او تلبس بكم ضيق وفي نفس الوقت تبقى بنت محترمة وتعاملها كويس.... ده هوا ات كمز يعني :)

that is how it comes :)

او لحد مستوى معين من اللبس عادي مفيهوش حاجة, مش شرط الكمام القصيرة او الضيقة بس :) انا قصدت عموما

لا انا قصدي العكس :D
بس معقوله كل البنات دي بتكون مقهوره يعني وغصب عنها ؟
انا مينفعش احكم يعني بس دي تبقى نسبه كبيره اوي صح ؟

للأسف مافيش احصائيات, لكن بشكل شخصي في حدود مشاهداتي ومن البنات في الجامعةده الغالب برغم من ارتفاع المستوى الثقافي والتعليمي للوسط ده...تخيل الوضع في المستويات ذات المستوى التعليمي دون الجامعة كمان هيبقى شكلها ايه؟

طب والله الواحد خد شيويه معلومات زي الفل من الموضوعين دول :d
ربنا يكرمكم جميعا :)

:) تدوينة حضرتك واسلوب حضرتك في الحوار العقلاني بجد هو اللي بيشجع ان الناس او البنات :) ترد وتتناقش في الموضوع :)



لسه ليا عودة في نقطة الحب من طرف واحد -لأنه موضوع طويل شوية - وفي النقطة التانية ان شاء الله, ....بس النقطة الاولى انا مفهتهاش بصراحة :) ياريت حضرتك توضحها اكتر...

ربنا يكرمك يافندم وافكاركم وطريقة كلامكم الراقيه هي اللي تجبر اي حد على احترامكم :)

وفعلا عايز اجيب شيويه ولاد بجد يتمشو في البلوج شيويه مينفعش كده :D


بالنسبه للنقطه الاولى.. انا قصدي لو بنت شافت اي موقف لصاحبتها مثلا غير مفهوم صاحبتها مش عايزه تشرح السبب.. مثلا انها بقت تروح علطول ومتوقفش معاهم ويكون شلتهم فيها ولاد مثلأ.. علطووووووول صحباتها بقه يخترعو اي سبب!! انها بتحب.. او ان ابوها التزم وشد عليها.. اي حاجه.. والاسباب دي بتكون غريبه اوي يعني وملهاش علاقه باي شواهد او معلومات سابقه.. حاجه كده من الفراغ.. والمشكله انهم بيتعاملو معاها انها بقت حقيقه خلاص ومش مجرد تخمين !!
كل ده عشان يرضو الفضول الهريب وميبقوش مضايقين انهم مش عارفين حاجه :D


مش عارف حاسس اني مش مشرحتش كويس برضه

وعادي يعني اي حد اكيد بيخمن لما يكون فيه حاجات غريبه.. دي حاجه مش جديده..
بس الغريب ان التخمينات دي متكونش مبنيه على اي حاجه !! يعني مفيش اي معلومه موجوده او حدث جديد حصل نبدء نبني على التخمين..
والاغرب اننا نتعامل مع التخمين انه حقيقه وواقع مش مجرد تخمين خمناه!!

نسيت ااكد بس بالنسبه للنقطه التانيه المشكله طبعا في الحب من الطرف الواحد.. المشكله هفي الفرض الغريب اللي معرفش بيجيبوه منين ان التاني ده بيحبهم.. والفرض ده فعلا بجد بيكون من لا شئ والحكايه دي بتعمل لخبطه ومشاكل كتير جدا

^_^

ممممممم

متابعه الحوار

لا بقى انا طنشت الجزء الاول بمزاجى
لكن لغايه هنا ولا
فين البنات الى بيعملوا كده بس

ما شاء الله هو المنتدى نقل هنا ولا ايه ؟

وأنا قاعد أنبح لوحدي في الفيس بوك !!!!!!!!

(سمايل غضبان بما ؟إننا لسة عايشين مرحلة كل الطلبة)

عدنا :)

________________

بخصوص النقطة الاولى, دي صفة سيئة جدا في المصريين كلهم, وللأسف احدى الصفات السيئة اللي بيتشهروا بيها المصريين...وهذكر لحضرتك مثال, قضية هبة ونادين, الناس كلها افترضت انهم مش محترمين وانهم وحشين وانهم وانهم وانهم.... حد شاف حاجة؟ لا, فيه دليل؟ لا, لقوا حاجة في بيت البنت؟ لا, الله امال حكمتوا منين؟ اصلهم بيقولوا ! هما مين اللي بيقولوا؟ اللي يضحك بقى -ويفقع المرارة في الوقت نفسه- انه لما الطبيب الشرعي اثبت ان البنت اللي مش متزوجة منهم- والتانية متزوجة - انها عذراء ,, في ناس استذكت وقالت لا اصل ده مش دليل!!!! يا سلاااااااااام, يعني كلام الناس الفارغ هو اللي دليل وتقرير الطبيب لا؟ ياعالم بالمنطق الدليل المادي الوحيد كان في صفهم, يبقى انهي اقرب للمنطق نصدق الكلام مرسل بدون ادلة ولا نصدق الدليل المادي الوحيد؟؟!!!!,, ومش قصدي اني افتح موضوع القضية دي هنا انا بس عايزة اذكر لحضرتك مثال على ان الصفة السيئة والقبيحة في الشعب المصري انهم يطلقوا افتراضات ويصدقوها دي منتشرة بشكل سخيف على كل المستويات الثقافية كمان الا من رحم ربي.....

__________________________

النقطة التانية بقى,,, ياللهول! هههههههه
لا بجد حضرتك فاهم الحكاية غلط خالص, البنت مش بتحب تسمع كلام كذب -ده بديهي - هي بس مبتبقاش عارفة انه كذب... وحضرتك اكيد هتبتسم -ان لم يكن هتضحك- لما تقرا انها مش عارفة انه كذب, بس برضه اللي حضرتك مشفتهوش -غالبا- عشان حضرتك ولد, هو الشغل اللي بيتعمل على البنت من قبل الولد :) يعني اذكر كان فيه موضوع في المنتدى في ساحة طب بشري كان رد فيه واحد اسمه اللي بيدور على النتيجة, كان كاتب خطوات الخطة واحدة واحدة بالتفصيل :) لو عرفت اجيبها من جوجل هبقى انقلهالكم.... المهم ان البنت بتبقى محاصرة معنويا بمعنى الكلمة, مش بقول انها مسلوبة الارادة ولا ان الود مخلوق سوبر شرير, بس الغالبية من البنات في الحالات دي بتبقى معتقدة فعلا انها الوحيدة اللي في حياته....

__________________________

النقطة التالتة وما أدراك ما الحب من طرف واحد ......
لو فيه طريقة ما اخللي حضرتك تبقى شفاف مثلا وغير مرئي واقعدك في كذا اجتماع بنات لمدة يوم واحد لكنت وريتك فعلا عشان مش هتصدق حجم المعاناة الا لما تسمع بنفسك.....

الحب من طرف واحد ده مأساة بجد... بالذات هنا في مصر, لأن البنت مهما كانت متقدرش تتأكد من مشاعره, يعني لا تقدر تروح تساله ولا تقدر تعرف بطريق غير مباشر وبنظام المجتمع دلوقتي الحل الوحيد انها تسكت وتحرق في قلبها وبس....
عشان نكون واضحين, انا مش بشجع ولا بدافع عن البنات دي... فيه بنات تعابين-جمع تعبان- وانا عندي اخوت اولاد وعارفة انهم كتير بيتعرضوا لمواقف رخمة برضه- بس انا بقول ان البنات دايما الى حد كبير مظلومين...
بص يا فندم الحكاية هنا ليها كذا جانب,

الاول: هو ايه اللي طلعها في دماغها؟
البنت في مصر طووووووول الوقت مطالبة انها تكون مفعمة بالمشاعر, يعني لو بنت محبتش قبل كده او طول الوقت تعاملها ناشف مع الجميع, يقولوا ياساتر دي اكيد معقدة -هسيب لحضرتك لنك لمدونة اتكلمت فيها البنت عن النقطة دي ووفت فعلا- وكل مراحل حياتها كأم وزوجة وخطيبة حتى بيطالبوها انها تكون عاطفية وبيربوها على كده, وفي نفس الوقت, لما تيجي تعبر عن المشاعر دي, يكبتوها ويحاصروها ويحكموا عليها بسوء الاخلاق وقلة الادب.... ولو كتبت رسالة لخطيبها مثلا, يالهوي انت اتجننتي؟ مش ممكن , اكييييييد بعتي لحد رسالة قبل كده غيري, انطقي حبيتي مين قبل كده؟
طيب منين ياعالم تطالبوني احب واتحب ومنين تطالبوني احوش مشاعري لبني ادم واحد فقط بدون وجود ادنى نسبة احتمال للخطأ؟!!! وانا هعرف منين ان البني ادم ده هو اللي هقضيه عمري معاه ولا لا؟ هشوف الغيب ولا هيبقى مولود باسمي على كف ايده؟! .... لكن الولد مسموح له يحب مرة واتنين وتلاتة وعشرة... ومش مشكلة اصل مافيش نصيب, لكن البنت لو اتخطبت مرة والناس عرفوا انها كانت فرحانة بخطيبها او كانت بتحبه... ياللهول! ده ميبقاش راجل اللي هيخطبها بعد كده اكيد....

ايه علاقة ده بالحب من طرف واحد؟ ببساطة شديدة يا فندم, العلاقة انها متقدرش تحب من طرفين....




الجانب التاني
عرفنا ايه اللي خلاها تحب من طرف واحد, طيب ايه اللي خلاها تحب فلان بالذات؟! ..... حاجتين, البنات عاطفيين بطبعهم, والاولاد كتير بيستهبلوا :) وهفسر كلامي مش احكام مطلقة طبعا....

البنات عاطفيين بطبعهم, يعني النظرة والكلمة والسلام والابتسامة -ولو كانت بشكل عادي- ممكن تأثر فيهم وتغير مشاعرهم, دي طبيعتنا كده, مخلوقين كده.... وصح فيه بنات بتبالغ زي مانت بتقول, لكن زي ما حضرتك تشترك في مسابقة, تحلم احلام يقظة انك فزت... مع الوقت عقلك الباطن غصب عنك بيصدق, وبيبقى مهمته في اقناع عقلك الواعي انك هتفوز فعلا اسهل بكتير, وده اللي بيخلي الناس تتصدم وتعيط بل واحيانا تنتحر يوم النتيجة :) وده كتير بيحصل ومش من البنات بس طبعا
:)
دي حاجة, الحاجة التانية, الاولاد بقى, كتير جدا بيستغلوا النقطة دي , بقصد او من غير, يعني الولد يهري البنت نظرات من بعيد, وكل ما تقفشوا من حين لآخر تلاقيه بيبصلها, البنت تفتكره بيحبها, انما البعيد لا يقول اصل انا عاجبني وشها بس... يعني ترجع بعد كده تزعل وتقول حياء البنات فين لو بصيتلك وتنسى حديث الرسول عليه الصلاة والسلام :لا تتبع النظرة النظرة؛ فإنها لك الأولى وليست لك الثانية))
والاولى اللي من غير قصد....مهو برضه بنات الناس مش لعبة, يعني الولد مسئول عن نظرته وعن تصرفاته وعن كلامه وعن سلامه.... ومش معنى انه موعدهاش بحاجة انه في السليم, مانت كده معلقها وفيه فعلا اولاد بيبقوا عاملين حصار نظراتي بشكل غبي.... طب الغلبانة تعمل ايه في نفسها؟
منكرش طبعا ان فيه اولاد كتير بتظلموا وبيتحطوا في مواقف سخيفة بسبب الموضوع ده -عشان منظلمش حد برضه-وبيبقى فعلا مكانش يقصد,, بس دول نسبة قليلة وان كانوا موجودين..... بس برضه البنت اللي بتكون اتضررت أكتر واتحسب عليها حب...


الجزء التالت
ما تتأكد من مشاعره وتخلص؟ للأسف صعب اوي, وهتكون بتحط نفسها في موقف دقيق جدا, وبتبقى كرامتها في ايد الولد, يا يرد باحترام ويرجعهالها يااما يرميها في الارض... ومهما عملت متقدرش تضمن ان اللي ادامها ده هيعاملها كويس او على اقل تقدير لو كان بيحبها فعلا مش هيقلل من شانها في نظره انها خدت الخطوة الاولى..... بالتالي الخيارات المتاحة ادامها قليلة اوي....



كلمة اخيرة, انا قلت ان موضوع الحب من طرف واحد الاتنين فيه غلطانين, لكن المتضرر الاكبر والمظلوم الاكبر هو البنت, ولو كانت متشبعة عاطفيا من البيت برضه بيبقى فيه احتمال بسيط تقع في حب من النوع ده لأان من طبيعة البشر ان البنات بينجذبوا للاولاد والاولاد بينجذبوا للبنات... فتخيل بقى البنت المكبوتة والغير متشبعة عاطفيا من البيت اصلا هيكون حالها ايه؟! ...

معذرة للإطالة... بس فعلا الموضوع طويل جدا......

وده اللنك اللي قلت عليه
http://wanna-b-a-bride.blogspot.com/2007/04/blog-post.html

ما شاء الله عليكى يا مارج

واضح ان الموضوع مضايقك اوى وكان نفسك تردى

بس انا عاجبنى الحوار والردود ومتابعه معاكو

علي فكرة انا كمان عاوزة ارد بالتفصيل علي كذا نقطه بخصوص البنات

بس تقريبا مكسله اكتب او لانى لسه ما نمتش من امبارح فمش مركزة

@نجوى
:):)

بس معرفناش رايك, انت مش شايفاه يضايق
؟!!

البنات البنات ..الطف الكائنات

مش عارفة فعلا

بس اللى انا متأكدة منه ..ان مش الكل كده

حتى لو نسية كبيرة

هيهيهيهيهيهي

البنات شكلهم تاعبين المجتمع والله

من اول عمورة لحد المدونين

ههههههه

ربنا يعينكوا يارجاله بجد مش هتخلصوا

احنا اه فينا حجات كتير من ده

بس الي يعد غرايب الولاد

مايخلصش ابدا :D

وبعدين احنا فينا ده كله وعساسيل وامامير وبناتيت

انما الولاد

ياساتر

بلاش احسن :D

انا متابعه اصل البلوج دي عجبتني اوي :D

عذرا على التاخير
حرد قريبا ان شاء الله

:)
we r waiting :)

فيه حاجة لفتت نظري..
حكاية ان البنت بتحب تسمع كلام حلو حتى لو مش حقيقي..
فعلا الحكاية دي حقيقية.
نزار قباني بيقول في احدى قصائده (قل لي ولو كذبا كلاما ناعما)

مرة الدكتور عمر عبد الكافي بيقول ان المفروض ان الاب - الزوج - الأخ يقول لـ ابنته- زوجته- اخته 5 مدائح يومياً. زي عدد الصلوات :d

دي حاجة مش لازم تستغربها حضرتك.. بس الغريب لما تكون من واحد غريب عليها وهي بس كل اللي عايزاه انها تسمع كلام حلو.

magi:
:D:D
ليه بس يافندم :) والله ما اقصد خالص زي ماقولت دي مش حاجات سيئه مثلا ! دي حاجات بستغربها بس :)
اهلا بحضرتك مره تانيه في المدونه

shalawlah
ايه الناس اللي داخله تقر بس دي

Marge
هو عندك حق الى حد كبير فعلا.. بس بشكل عام برضه متهايلي (صعب) نقارن بين فضول والمراه والرجل.. يعني احنا فعلا لو فيه معلومه منعرفهاش فعلا والله مش بنهتم نعرفها يعني طالما ملهاش علاقه بينا الا لو حد مهتمين بيه هو يعني.. لكن البنات مش شرط خالص.. اللي هو الفضول للفضول بس

يمكن قضايا الراي العام دي بتكون الextreme بتاع الفضول.. فاللي هو اي حد حيبقى عنده فضول و اهتمام وكده بيه سواء هو فضولي او لأ
حضرتك فاهمه قصدي ؟
يعني قصدي كان مساله صعبه جدا جدا في الامتحان و محدش عرف يحلها فقولنا الدفعه كلها فاشله ومهمله.. بس المشكله ان المساله هي اللي شديدة التعقيد فمينفعش نستخدمها كمقياس لانها الاكستريم بتاع التعقيد

بالنسبه للنقطه التانيه المنتدى فتح اهو ياريت تجيبي اللينك :D
هو انا مش قصدي الفئه دي بس انا مش فاكر مواقف معينه احكيها بس فاكر كذا مره في برنامج واحده بتحكي قصتها او حاجات كده كانو بيقولو بجد انهم عارفين انهم بيخدعوهم وهم عارفين انهم مش بيحبوهم و بيخنوهم و مليون حاجه.. بس هو ده المتاح وانها مبسوطه برضه بالرغم من ده كله
(( مش بتكلم على متجوزين ))

النقطه التالته عجبتني جدا جدا
مكنتش عارف الاثر الرهيب بتاع الحصار النظراتي دي (تعبير رهيب :D) يعني مكنتش فاكر انه للدرجه دي..

بالنسبه لحتة عدم التشبع العاطفي عند البنات دي بحسها فعلا نسبه كتييييييره جدا !
بس متهايلي فعلا عشان بالنسبه للولاد بيعيشو حياتهم علطول :d
لكن البنات لأ + انهم اصلا محتاجين المشاعر دي اوي اوي


مفيش اطاله ولا اي حاجه

eng: nagwa
بعد الامتحانات بقه يابشمهندسه عشان تكوني فوقتي وانتعشتي ان شاء الله

رضوى
اهلا اهلا بحضرتك يادكتور حضرتك اول مره تشرفينا يافندم :)

واكيد مينفعش نعمم اي حاجه كقاعده ابدا مهما كانت درجة انتشارها :)

MǿиY El-Shreef
اهلا اهلا بحضرتك :) حضرتك اول مره تشرفينا في المدونه يافندم وان شاء الله متكونش اخر مره :)

ولا والله يافندم محدش قال ان دي حاجات وحشه يعني :) زي ما قولت دي حاجات بستغربها بس.. يعني مش حكايه حلوه او سيئه


وربنا يكرمك يافندم ده من ذوقك بس


طب ما تقوللنا غرايب الولاد دي ؟ :)

Salma S.s
اهلا اهللااااا بحضرتك يا اخت ريدان :) حضرتك اول مره تشرفينا في المدونه :)

وفعلا بجد والله معاكي حق.. انا كمان مقتنع جداااا ان العيله لازم تهتم اوي بالنقطه دي فعلا عشان متروحش تدور على المشاعر دي في مكان تاني غلط..

لما جيت اعلقلك لقيت فوق الكومنت بوكس كلمة اعملك منظر ماشى يا عمو هعملى منظر بس انا مش هقولك عمك ياض انا هقولك ياعمو عشان انا رئيئة وبتاع
بص بئى
اولا شابوووه
كل الحاجات اللى قولتها صح جدا سواء من جهة لبس البنات ومبرراتهم للسلام والقعاد والقيام والبرفان و و و و و
كله تمام
حتى حكاية بتحب تسمع رغم انها عارفه انه بيكدب .. يمكن بتبقى متعشمة ياخويا يكون مابيكدبش ويبقى لتشيف كدة ويكمل معاها لحد عش القرود
البوست اصلا يجنن واحساس اننا قاعدين مع بعض وبنحكى كان مثير للغاية ومشوق اكتر من احساس الروايه .. فاهمنى ؟؟ فاهمنى طبعا صيغة المخاطب دى انا بحبها فى كتابة البوست
كوووول الرغى ده بس عشان كنت بسجل إعجابى
تقبل مرورى

ملكة بحجابى

البوست لذيذ جدا بجد لدرجه جميله

انا اول مره تقريبا ازور المدونه بس بجد عجبتنى كتير

هو ف مواقف كتير من اللى قولتها فعلا سليمه وبتحصل قوى زى مثلا فكره انها يخترعوا مواقف ويعملوا عليها قصه حب تولع ف الذره و ف الاخر يصدقوها دى بتحصل جدااااااااااااقوى خالص

بس مش بس البنات اللى بيعملوها

الولاد كمان بيعملوا نفس ذات الحركه

يبقى مثلا واحد بيحيب جارتهم او بيحب اى بنت

وف يوم شاف البنوته دى واقفه ف البلكونه عادى خالص
بس هو بقن يبدأ قصه حبه المدمره قبيبقى موقف من شويه مواقف

لو بصت نحيته بالصددفه...هيقول بتبص علياعلشان واحشها وبتحبنى

لو بصت ولفت وشها النحيه التانيه .. يقول بصتلى ولما شافتنى اتكسفت علشان بتحبنى

ولو بصت ودخلت جوا خالص وسابت البلكونه ..يبقى اكيد بتحبه ومحرجه اخر حاجه

لو مش برصتله اصلن من الاول ...هيقول عامله نفسها مش واخده بالها بس هى شيفانى ..وبعد ميعدى خلاص من قدامها بفضل يبص وراه تمناشر الف مره علشان يقفشها وهى بتبرص عليه علشان طبعا بتحبه

موضوع الملابس متفقه معاك تمام فيه

وحكايه انها تحب تسمع كلام حلو حتى لو كان كدب لو كنت سمعت الجمله دى من كام يوم بس كنت هقول لا طبعا ازاى مفيش بنت كده

بس الكام يوم اللى فاتوا قابلت كام واحده كل الموضوع انهم تقريبا بيحبوا يتثبتوا


هو انا تقريبا كتبت بوست مش كومنت :d

سورى بجد على الاطاله بس اصل الموضوع عجبنى :d

ممم
بالنسبة لنقطة اللي بيتصلوا بالبرامج, لو افترضنا صدقهم, هما ممكن يكونوا في حالة انكار مش اكتر, زي اللي عارف ان السجاير ضارة ومش عارف يبطلها



بخصوص اللنك ,, انا حاولت ادوّر على الموضوع في ساحة طب ملقتوش خالص,

مش عارفة راح فين
للاسف:(

ملكة بحجابى:
اهلا اهلا انتي اول مره تشرفينا في المدونه :)

وربنا يكرمك ده من ذوقك بس :)

على فكره البروفايل بتاعك جامد اوي ماشاء الله :)

وان شاء الله نشوف حضرتك دايما :)

وجدان جريح:
اهلا اهلااا حضرتك اول مره تشرفينا في المدونه :)

وربنا يكرمك ده من ذوقك بس :)

بالنسبه لحكايه قصة الولاد لا والله بجد مش بنوهم نفسنا بحاجه يعني.. ممكن الخطا البشري موجود في كل حد طبعا بس اقصد انها مش ظاهره زي البنات مثلا..
بس حلوه اووووي المواقف اللي قولتيها دي :d
فكرتيني بكلام الناس عن اسرائيل.. اللي هو لو اسرائيل فازت في الحرب يبقى عشانها قويه.. ولو خسرت حرب يبقى خسرتها بمزاجها لمميزات اكبر شيفاها في انسحابها من الحرب.. من انها تعمل من اللي قدامها بطل الناس تتلم عليه وهو خاين اصلا و..و..
ومليون احتمال مفهموش احتمال انها خسرت عشانها خسرت بس !!

تعليق جميل :)

ومش طويل ولا حاجه خالص :D
ده احنا فوق كنا بنكتب كتب مش ردود :)

وان شاء الله نشوف حضرتك دايما

Marge:
مش عارف معنى ايه حالة انكار دي.. بس لو نفس معنى بتاع السجاير.. هو زمان كان ممكن بس دلوقتي بحس الوعي اعلى الف مره يعني انهم يوقعو في حاجه زي كده حتى..
اصل يعني مش معقول ان واحد لمجرد انه محتاج حب مثلا وخلاص حيموت عليه يروح يحب واحده مش محترمه مثلا !! لان الحب ساعتها مالوش اي معنى و مش حب اصلا !
فايه معنى انها تكون مثلا محتاجه احتياج عاطفي كده.. فتاخد حب fake !!
يعني بتضحك على نفسها!


بالنسبه للينك خلاص مش مشكله :)

ايه الرغى اللى هنا ده كمان

نقاشات ساخنه بس بجد استفدت منها :)

استفدت ايه يعنى

انك تتريق ع البنات

والله ما بتريق يادكتور :)
زي ما قولت دي حاجات انا مستغرب ليه البنات بيعملوها اصلا.. يعني مش عارف لها مبرر.. فيه حاجات طلع فعلا انها غريبه و انها بتتعمل بدون مبرر.. والحاجات التانيه طلع ليها اصل والناس اللي ناقشتني قالتلهولي من عالم البنات يعني :d
فانا استفدت اني عرفت اسباب الحاجات التانيه دي و الكثير من عالم البنات :)

طيب
ربنا يزود معرفتك كمان وكمان:d
وتبقى شاطر كدا وانتا بتتعامل مع اى بنات
وتبقى تفقسهم ديمن يارب:d:d:d

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه