طيب مش المفروض انك تجاوب عليهم الاول

عل الاقل تشجعنا اننا نجاوب :D

انا شايفه كده برده


فين الاجابات :D


وهبقي اخد التاج عندي لما افتح مدونتي ان شاء الله:)

طيب وليه كدة

يعني انا غلطانة انى اعلنت لحضرتك عن بلوجتى
:D

حاضر هجاوبهم ان شاء الله :)

شكرا

وانا معاهم ان حضرتك تجاوب عليه فعلا :)

تاج ظريف هستلفه وارجعه ماشى

هيلسنج:
لا ياواد المفروض اللي انت ترد عليه وممكن تهديهولي بعد كده لو عايز :)

سما:
نفس الكلام :d
ومستنين المدونه :)

الاخت مومو:
يااااه اهلا بحضرتك اول مره تشرفينا في المدونه
مستنين اجابات حضرتك :) ومدونتك ماشاء الله متميزه

magi:
لا والله ما يرجع :d
اهلا بحضرتك اول مره تشرفينا في المدونه :)

يا نهار تاج

:D

ليه بس كدا

دى الأسئله طويله أوى

إن شاء الله هجاوب عليه

:)

باين عليها مدونة حلوة وثرية

ممممممممم
انا قولت بتقولى تعالى هتجبلى شوكولا ولا حاجه بمناسبه النتيجه

اتاريها اسئله :D
طيب جاوب الاول وان شاء الله حبقى اجاوب

زهرة الامل:
مهو فايدة التاج عشان زوار المنتدى يعرفو شخصيه المدون وكده
بس ماشاء الله اجاباتك متميزه :)

barbie girl
ربنا يكرمك الحمد لله ان المدونه عجبتك :)

sh!ko
يانهار ابيض مش لسه كنت زعلانه عشان النتيجه
how come :D
وبعدين ايه الطمع ده مش مظبطه مع فيت دعاء
قربو يبوظو شكلهم :d

احم احم ...انا ومع فيت دعاء
ابدا ابدا ..

فين بقى الاجابات :D

الاجابات


اسمك ؟
طارق

المشهور بيه وسط اصحابك؟
طارق لو ناس عاديه.. لو حد اسمه طارق برضه فمشهور بلقبي (اسم جد جدي)

مجال دراستك ؟
هندسه

اسم مدونتك ؟
البس نضاره :d

صورتك الرمزية في المدونة بتعبر عن إيه ؟؟
اني عامل دماغ :D

هل فكرت في اغلاق المدونة والسبب ؟
ايوه طبعا وقفلتها قبل كده.. السبب اني حققت الهدف اللي كنت عملتها عشانه.. مالكومش دعوه بالسبب طبعا :d

ايه رد فعلك لو حد قل ادبه في تعليق ؟
حسب مفهوم قلة الادب.. يعني كتير بيعتبرو مجرد الاختلاف قلة الدب.. وحسب درجة قلة الادب.. يعني لو فيه كلام خارج حيتحذف اكيد..

اسوأ مدونة ؟
اي مدونه بتنشر افكار او مفاهيم سيئه..

هيحصل ايه للايميل بعد ما تموت ؟
حيموت

اديت الباسوورد لحد قبل كده ؟
يس

السفر بالنسبة لك ؟
متعـــــــــــــــــــــــــــــــة المتع
من احلى الحاجات في حياتي....
حرية
تجديد وتغير
نشوف الدنيا :)

الموووود بتاعك ايه ؟؟
حاليا ؟ عندي ميدترمات وضايع.. لك ان تتخيل :d

بتعمل ايه في وقت فراغك؟
بعيدا عن النت.. بحاول على اد ما اقدر اعمل ايييييييييي حاجه جديده !

الأكلة المفضلة ؟؟
الكبسه والمشويات واي الاكلات الخليجيه عموما..

الصفات التي أخذتها من والدي ؟
التنظيم والمنطقيه

الصفات التي أخذتها من والدتي ؟
مينفعش اقول صفات حلوه على نفسي يعني

اكتر ست حاجات بتكرههم ؟
الكدب والكدب والكدب والكدب والكدب والكدب
بكل اشكاله وصوره :)

اكتر ست حاجات بحبها؟
حاجات ولا صفات ؟

شخصيتك نوعها إيه؟
هيلسنج دايما يقولي يا مجنون :d

لماذا دخلت عالم التدوين من الاساس ؟
عشان ابعد عن المنتدى + افيد

أحلي جملة قيلت في وصف مدونتك ؟
جملة فيت دعاء في موضوع حتعيش كام سنه في ال80 سنه

اهمية التعليقات بالنسبة لك ؟
زي اهميه رد واحد قاعد بتكلم معاه

احلى بوست كتبته ...ضع اللينك , ثم اذكر لماذا؟
بحب ال2 دول
قطعة صلصال
http://lasa3an.blogspot.com/2007/07/blog-post_09.html
ثم
..متاكد انها موجودة
http://lasa3an.blogspot.com/2007/06/blog-post_27.html


أفضل مدونة قراتها ؟
مدونة لوتس777 و ربة السيف والقلم

أفضل بوست قراته ؟
مش فاكر اخر بوست قريته حتى...
بس فاكر بوست كان عن انواع الشخصيات في مدونة ربة السيف والقلم عجبني اوي

الشغل بالنسبة لي ؟
مستقبلي ان شاء الله

الانترنت بالنسبة لك ؟
عايز استغنى عنه

تمرر التاج ده لمين ؟
مررته لكل الشعب خلاص :d

على فكرة دي غلاسة.. ما تحط ردودك في بوست زي البني أدمين :@:@

وانت مالك انت :d

اصل مينفعش احط بوستين في نفس اليوم :)

عامة انا كتبت في الموضوع ملاحظه بخط كبير + في الشات بوكس

عد تلاتين من تاني :(

لا لا لا

لازم بوست مينفعش كدا :D

إيه الكروته دى

أنا أعترض

بوست جديد وإجابات تفصيليه شويه


---------

سبحان الله السفر بالنسبه للناس كلها متعه إلا أنا غربه

بالمناسبه أنا لما باجى أكتب تعليق هنا ببقى فى كامل وعيى

والله وعارفه إنى هاكتب كومنت :D

حضرتك شيل الكلمات التأكيديه دى بقى

:D

ليه بس والله كنت عامله في بوست اصلا وبعدين عملت كوبي بيست للاجابات هنا عشان الموضوع التاني لسه جديد اوي بس..

طب الاسئله مفصله خالص والله اهي :d
طب فين الاسئلة المتكروته وانا اجوبها بتفصيل اكتر ؟

حتة الغربه دي استغربتها اوي في اجابتك فعلا.. بس انا مره سافرت لوحدي وساعتها حسيت بالغربه فعلا.. فيمكن اخواتك بينطلقو لما يسافرو فبتكوني لوحدك في السفر وتحسي بالغربه.. او ان هناك ظروف تانيه انا مجربتهاش لسه بتحسس الواحد بالغربه..

اللي هي بتظهر في الصوره وانتي تكتبيها في البوكس ؟ انتي تاني حد يشتكي منها..
هي بس معموله عشان البوتات اللي بتخش تعمل اعلانات او تنشر اي قرف زي ما كان بيحصل في المنتدى.. فده بيمنعها
بس انا ملاحظ كل المدونات مش حطاها والوضع تمام فيها الحمد لله فطالما مضايقكم كلكم كده كمان انا حجرب اشيلها ولو فضلنا في السليم يبقى تمام

أيوه كدا أحسن

:)

---------

يمكن أكون مش طبيعيه بس بجد لما بجى القاهره عند إخواتى مبستحملش أسبوع على بعضه وأبقى عاوزه أروح

القاهره لا تطاق أصلاً

----------

حضرتك سؤال السن مجاوبتش عليه

وأكتر ست حجات بتحبها

بالنسبه للسؤال

لماذا دخلت عالم التدوين
علشان أبعد عن المنتدى

:D

إزاى يعنى ؟

وأهو المنتدى مبقاش موجود خالص أهو

tb 5alas 7arod bltfseel isA

wde awl mara a3raf en 7adretek mn bara l qahira
aslan kfaya l za7ma 3shan la totaq

ايه ده
لأ لازم بوست لو سمحت
ولون الاسئلة والاجوبه عشان تبقى حلوة
:D:D

لاء احنا عايزين اجابات بجد


مش شورت نوتس :D

لحظة بقى

أولا مرحبا بعودتك للتدوين مرة تانية

وفعلا يا ريت نقطع الغياب عن المدونة :)

ثانيا أنا كنت بحسب الأسئلة دي عشان كرسي الاعتراف لما المنتدى يرجع إن شاء الله .. عموما ده مكانتش حيغير حاجة إلا إني كنت حطالب حضرتك بإنك تجاوب التاج أو الوسم وتعديه للناس :)

والحمد لله حضرتك جاوبته بس زي ما قالت زهرة كمل اجاباتك :)

ثالثا أنا كمان بحب التدوينة بتاعه الناس معادن اللى كتبتها ربة السيف والقلم .. انا قريتها من سنيييين وفعلا مأثرة معايا من ساعتها

رابعا

أخجلتمونا جدا يعني :$

جزاكم الله خيرا

sh!ko & sama

والله اجابات كامله :d

انتو فاكريني قاعد على كرسي الاعتراف ولا ايه :D

الاخت لوتس777:
يااااااااه بجد ربنا يكرمك يافندم والله بحس بالفخر الشديد لما حد من العملاقه كده يشرفني في مدونتي

وبالنسبه لكرسي الاعتراف ده اخت حضرتك محضرلها لستتين
(2lists)
من زمان اوووووووووووووي بس حظها ان المنتدى وقع :D

بجد ربنا يكرمك على التشجيع يافندم وخلينا نشوف حضرتك دايما

ماشاء الله عليا

مفهمتش حاجه خالص

الحمد لله

هي عباره عن شيويه اسئلة.. بتوع المدونات بيدوها لبعض عشان يجاوبو عليها

زي الاسئله اللي في الموضوع دي.. ببعتها مثلا لهيلسنج.. يقوم هيلسنج مجاوبها في مدونته

والاسئلة دي اسمها تاج

وبيهديها هو برضه لناس تانيه كتير

الغرض منها اننا نتعرف على شخصيه صاحب المدونه يعني

بس

اول مرة اشوف اجابات التاج فى التعليقات..انت بتعمل كمين للمشاهدين وللا ايه
ههههههههههههههه
بس شخصيتك واضح فيها الهدوء مش اللسعان ابدااااا

ياسلام لو هيلسنج يسمعك :d
ثواني اناديله

اه فعلا دا طارق الهدوء والادب
والحكمة والرزانة وكل حاجة عكس الجنون



سامحني يارب

ههههههههههههههههههههههههههههههههههههههههههههه