عجبنى أوى البوست دا أصلى طمعانه فى الهدايا اللى فيه :D

طب غيه معنى المخده الصغنتوته دى عاوزه أعرف !!

-----

لسه امبارح لقيت صاحبتى جايه تعدى عليه فكرتها كانت فى مشوار مثلاً وعدت عليا لقيتها جايبالى هديه واللى فرحنى بقى إنها هديه معموله يعنى زى ما حضرتك قلت محتاجه مجهود هيا زى بلوزه كدا بس حلوه بجد عجبتنى أوى

وخصوصاً إنها من غير مناسبه :)

------

ونقريباً معايا اتنين جنيه ونص بحالهم مكتوب عليهم اهداء من أساتذتى لما كنت بجيب الدرجه النهائيه فى الإمتحان

------

أحلى هديه جاتلى هدية عيد ميلادى وأنا عندى خمس سنين

يااااه زمن :D

كان دبدوب وتوكه وكارت مكتوب عليه اهداء

بس خساره التوكه اتكسرت بقى :D

------

إيه دا أنا رغيت كتير أوى معلش

ايه ده انا اول واحده ارد ردى راح فين :(:(

مش مشكل ننزل واحد تانى :D

انا عايزة اعرف سر المخده مش ليا دعوه :D

انا عندى واحد زيها على فوكيره بس بنبى بقى وبجد بحبها اوى مش بعرف انام غير وهى فى حضنى .. سبحان الله

وزى ما قلت الهدايا مش بقيمتها الماديه لأ بقيمتها المعنويه كفايه
ان حد يفتكرك ويكلف نفسه انه يجبلك ولو شىء رمزى كده صغنون يااه حاجه تفرح

انا كل الهدايا بتاعتى من ساعه لما كبرت وهى عباره عن حاجات بتاعت الجهاز حاجه يعنى .. :D
يلا زى بعضه بحبهم برضو

واحب هدايا ليا هما كتير
بس فى واحده من صحبتى هى بنت فخار كده وواقفه على منبر ولابسه الروب والكاب بتاع التخرج بحبها اوى
بتفكرنى بنفسى فى المستقبل القريب :D
كلكوا معزومين طبعا عشان تشفونى وانا بلقى الكلمه :D

وحاجه تانى من الدكتور بتاعى
سمكه نونو كده بتتمرجح
برضو ليها معزة خاصه عندى

والمخده :D:D

ايه الرغى ده احم معلش بقى :D

طيب

عجبني قوي البوست ده

ده ايه الحجات الحلوه دي

طلع المستخبي طلع

هو انت عايش فين

اصلك بتصور على شماغ

فلسطيني كمان

بس بيتهيألي انك ف السعوديه

ولا مجرد بيتهيألي

والمخده كميله اوي

بس انا معايا واحده بقره مش مرسومه عليها بقرة :p

وعندك حق اوي ع فكره

انا احسن هديه جاتلي

كان عقد

كنا ف جزيره النباتات واحنا وماشيين وقعت وحالتي النفسيه بقت زي الزفت لاننا كنا ف اخر يوم جميل اوي والوقعه خلتني محرجه جدا من الي معايا

ف some body

جابلي العقد ده عشان يخفف عني شويه

ورغم انه مش غالي وانا عارفه

بس ده احلى حاجه جاتلي ف حياتي

ومن 2005 معايا لحد دلوقتي

:)

بوست جميييييييل اوي

زهرة الامل:
:D:D
اتفضلي يافندم اللي عايزاه :d انا حسيت انهم مش واضحين اوي اصلا في الصور

ماشاء الله حاجه جميله جدا اللبس اللي بيبقى معمول بالايدين ده بجد.. ماشاء الله فعلا كان نفسي حد يعملي حاجه كده (بس اكيد لازم حتبقى بنت ساعتها :D)

والجنيهات بتاعة المدرسين دي بتبقى جميله اوووي بجد :d احتظي بيهم اوي عشان تبقي توريهم لاولادك وتحكلهم القصص الاسطوريه بتاعه تفوق الاباء :d

بالنسبه للهديه اشمعنه الهديه دي بالذات اكتر واحده حبتيها ؟

وحضرتك مرغتيش خاااالص يافندم :) حضرتك مشوفتيش كومنتات موضوع البنات كانو طوال ازاي :d

sh!ko:
ياااه اد ايه بتجنن لما اكتب رد او حاجه وتضييع واكتبها تاني
معليش بقه :)

وحلوه الهديه فعلا ماشاء الله بتاعة صحبتك

والهدية التانيه السمكه بتتمرجح ازاي يعني :d

غريب موضوع المخده اللي طلع منتشر ده :D
بس دي كان ليها معنى مختلف :P


ورغي ايه اللي بتقولوا عليه :d

Anonymous
ياهلا والله :)

إني ملكة ..
ربنا يكرمك يافندم
وماذا عن هداياكي ؟

MǿиY El-Shreef:
اهلا اهلا :)

لا انا في مصر دلوقتي بس كنت عايش في السعودية

ماشاء الله مين اللي جابلك بقره ده :D بس بتبقى حاجات حلوه ومفتكسه والله

وحلوه some body دي :d
او كان ممكن تكتبي الجمله passive :D
بس فعلا ماشاء الله هديه جميله اووووي بجد.. عجبتني الحركه دي يعني اللي هو حد شافك مضايقه وفكر ازاي يفرحك شيويه فيروح ينقيلك عقد ويدهولك.. موقف جميل ماشاء الله :)

وربنا يكرمك ده من ذوقك بس :)

:D

تصدق كنت اكتبها باسيف فعلا

وبعدين المخده ع شكل بقره

مش بقره :D

موجوده ف صور مكه

يالي شفت الالبوووم

هع هع هع

ايوه شوفتها والله
اللي فيها بمبي

بس بقره حلوه :D

انا كمان بحب الهدايا اوى

انا عندى فلوس كتير اوى من المدرسين اه والله

يعدو ال40 جنيه ويمكن اكتر ومحتفظه بيهم عندى

كل ما بشوفهم بفرح بيهم اوى

وخصوصا جنيه كان مدرس اعدادى كاتبلي عليه

يا غلباهم دايما

كان في حصه وادانا امتحانات ودايما كنت بجيب النهائيه واصلا كان كل الى في الدرس ولاد

فالمدرس كان بيغيظهم بيا

:D:D:D:D:D
حلوه اوي الكلمة اللي كاتبها دي :d

اغلي هدية

كانت في عيد ميلادي
من المشرفة اللي فالحضانة

كانت حاجة بسيطة اوي اوي اوي


بس كنت فرحانة بيها جدا

دي اول زيارة ليا هنا


بس بجد من اجمل المدونات اللي زرتها

وعليه

ممكن اطلع ابونيه

:)

حلوه جدن فكرت الهدايا دى

لسه كنت مطلعه لمامتى هديه كدا هما كانو قلمين ملهمش اى لزمه
بس كنت وخداهم ف مسابقت اوائل طلبه(معرفش ازاى)
المهم قالتلى اكتبى بيهم
قلتلها لاء هخليهم اوريهم لاولادى

بس اجمل فرحه عندى لما اتنين صحابى جابولى هديه ف عيدميلادى اللى فات
وحده منهم اصلن مش صحبتى اوى
متوقعتش انها تجبلى هديه
عشان كدا كنت مبسوطه اوى

بس هدايا حضرتك حلوه اوى

عينى جت فيهم خلاص

حاول تحافظ عليهم بقى عشان احتمال كبير يحصللهم حاجه قريب

بس كدا
يخرب بيت الرغى

سوبيا
اهلا اهلا حضرتك شرفتينا في المدونه يافندم والحمد لله انها عجبتك :)
واهلا بيكي دايما :)


الهدايا القديمة اوي عامة مهما كانت بيبقى ليها مزاق خاص :)

دكتور سراسيرووووو
اهلا اهلاااااااا يا فندم حضرتك اول مره تشرفينا في المدونه :)

وفعلا الهديه الغير متوقعه الواحد بيتفاجا وبيفرح بيها اوي
ان شاء الله تكوني مبسوطه دايما :)

ومفيش اي رغي خالص :D ده انتي لو شوفتي موضوع "حاجات بستغربها في البنات" حتشوفي الكلام الكتير على اصله :d
بس كان كلام حلو والله واستفدت جدا منه :)

اهلا اهلاااااااا يا فندم حضرتك اول مره تشرفينا في المدونه :)

ومش اخر مره ان شاء الله
بس يارب محدش يزهق منى

انا كنت هشوف الموضوع فعلن
بس الوقت ضاع
ف ايه بقى
اصلى كل ماعمل باسوورد لجوجل
انساه لما اجى ادخل تانى
وافضل اجرب ف باسوردات كتير
وف الاخر اقعد اعمل تغيير الباسوورد
فالوقت بيضيع
ومحدش يضحك عليا:d
بس انا المره دى افتكرته الحمد لله

اهلا اهلااااااااا مره تانيه
لا يافندم نزهق ايه من حضرتك ده احنا فرحنا بجد لما حضرتك دخلتي
بالنسبه للخبطه الباسوردات ممكن حضرتك تكتبيهم في كشكول صغير عندك (كنت بعمل كده) للحاجات اللي مش مهمه او مفهاش معلومات سريه يعني..
يعني مثلا الاكاونت بتاع جوجل وكده..
واحفظي بس باسورد الايميل

ما شاء الله ربنا يديم المحبة
أنا اكتفيت بكلمتين عشان لو اتكلمت هأنطلق وهأرغي كتير بس حسيت إن فعلا حلو إن الواحد يتكلم عن هدايا جتله وخاصة لو بتعنيله حاجه أو من أشخاص بيحبهم بس كمان صعبه جدا لما حد يجيب لحد هديه وتترفض حصلت معايا مره ولسه محتفظه بالحاجه لغاية دلوقتي عشاني اعتبرتها خلاص مش بتاعتي فممنوع الاقتراب منها ..

عجبتني قووووووووووي حركة صاحب حضرتك غللي أعطالك الميداليه ما شاء الله بجد محدش بيعمل كده أصلا وخاصة لما تكون حاجه تذكاريه بتاعته هو ..

أنا عندي هدايا أو حاجات تذكاريه كتير قريبه من قلبي جداااا
بجد حتى لو ورقه مكتوب فيها كلمة للذكرى بتبقى أجمل هديه عندي كفاية إن الواحد يعبرلي عن حبه بأي طريقه كانت حتى لو بورقة بجد هتتحس قوي حاجه روعه ..

أيام المدرسة كان معايا واحده صحبتي عراقيه كانت كل يوم الصبح لاااااااااازم تصبح عليا بورده من جنينة البيت عندهم ولسه لغاية دلوقتي محتفظه بالورد جففته بين الكتب ومحتفظه بيه من أيام إبتدائي وإعدادي وثانوي ..
وفاكره كمان كنت أنا وصحباتي في المدرسه بنقطع ورق من الشجر ونكتب عليه ذكرى ونعطيه لبعض وخاصة لما حد فينا يكون مسافر
حاليا نفس الحركة بأعملها أنا وصحباتي في الكليه وإحنا نكون قاعدين أو بنتمشى ألاقي واحده تقطف ورده أو ورقه من الشجر وتعطيها ليا بجد بجد بأفرح جداااا وبأحتفظ بيها في الكتاب ووقت ما أذاكر ألاقي الورقه أو الورده وأفتكر اللحظه دي ..

كمان ايام المدرسة بأكون مبسوطه جدااا بهدايا المدرسات وزعلانه جدا على الحاجات إللي خربت .. في صف ثاني ثانوي مر عليا أسبوع كنت كل يوم ارجع بهديه وشهادة تقدير وكفاية إن الهدايا دي كمان عشان دليل على تفوقي فكانت بتفرح أهلي كمان ..
كان المدرسات بيجيبولي دباديب وبراويز ومنبهات وشموع أشكالهم حلوه ..

لما كنت في صف ثالث ثانوي طبعا جتلي هدايا النجاح جالي حوالي 6 خواتم ذهب وخاتم واحد فضه بجد بجد بجد أغلى خاتم على قلبي هو الخاتم الفضه والوحيد إللي بلبسه ولسه محتفظه بيه برغم غن شكلهم كلهم حلو جدا وعاجبني بس ده له غلاوة خاصة جدا ..

أكتر هديه قريبه لقلبي جدااااااا بجد كان مصحف من واحده صحبتي ايام ابتدائي جالي مصاحف كتير وأنا جبت لي مصاحف غيرو بس ده الوحيد إللي بأحب أقرأ منه ومعايا في الشنطه علطول ..
برغم غن البنت دي كانت علاقتي بيها عاديه جدا بس بجد دلوقتي كل ما أمسك المصحف بأدعيلها ..

هديه حسيت بإحساس مختلف عشان فيها إحساس إللي عملها تصميم اتعمل ليا فيه اسمي ..
وزي كمان لما حد يعملي أكله ويقولولي دي عشان إنتي بتحبيها دي إللي متعوب فيها ..

كمان عندي سبحه بأحبها قوي عشان كانت من زوجة صاحب بابا برغم إني مكنتش في قطر بس راحت عمره وجابت السبحه دي واعطتها لماما باسمي أنا وحكتلي قصة السبحه دي بجد فرحانه جدا بيها ..

صحبتي في مصر في السعودية من سنتين عملت عمره وجابتلي مية زمزم معاها دي كمان من أكتر الهدايا إللي فرحتني جدا ..

صاحبة ماما قطريه بتعزني جدا ودايما تقوللي إنتي بنتي وبرغم إنها كبيره في السن بس دايما تقوللي ادعيلي يا بنتي برغم إنها بتجيبلي هدايا كتير بس أكتر هديه حبيتها قوي جابتلي شريطين دعويين وكتيبات ..

الحاجات إللي بتخلص بقى زي الشوكولاتات والبمبوني والحاجات دي لازم أحتفظ بكم حبة منهم كده عشان الذكرى
كانت جايالي سلة شوكولاته كبيره من صاحب بابا حسيت بفرحتي بيها لما كنت باقدم منها للناس..
ولما كان حد يجيبلي مصاصه أو بمبوني أو شوكولاته بأحتفظ بيهم

أيام ابتدائي جاتلي هديه من واحده صحبتي عباره عن بوكس من بره بالقماش وعليه دانتيل كده وجواه ورد مجفف وزجاجة برفان ..
دي عشان كنت مسافره وبجد كانت هديه جميله جدا وللأسف دي الهديه الوحيده إللي اختفت تماما وملهاش أثر :( ..

ومره اتفاجئت إن صحبات أختي جايين وجايبين معاهم هديه ليا بمناسبة يوم ميلادي ..
دي كانت مفاجأه ..

ولما بابا جابلي لاب توب بدون ما أطلبه منه كنت بأحاول أحوش فلوس عشان اشتريه واتفاجئت بابا اشترالي واحد ..
وكمان أول موبايل بابا اشتراه ليا كنت بأحبه جدا بس للأسف اتسرق مني ..

الهدايا إللي من البيت دي بتكون لها إحساس آخر
يعني أيام أختي اشتغلت اشترت لنا هدايا بأول مرتب تاخدو كان إحساس حلو إن بدل ما تجيب لنفسها حاجه بيه جابتلنا هدايا ..
بردو أخويا لما اشتغل وسافرت كان كل مرتب يعطيني فلوس أشتري إللي عايزاه ويقوللي مش عارف أشتريلك إيه اشتري إنتي أحسن ..
ومره زمان كان أعطاني نص علاقة فضه وهو معاه النص الثاني النصين مكتوب عليهم لا إله إلا الله محمد رسول الله

وميدالية من أخويا الصغير ..
ومره لقيته جاي وأول ما جه مصر عشانه بقى راجل البيت لقيناه جاي وجايب فواكه عشان يحسسنا يعني إنه بيعمل معانا زي بابا حتى لو بابا مش موجود ..

الحاجات التذكارية بقى من بابا مره أعطاني دولار للذكرى وأعطاني زي بوستر صغير كده عليه آية الكرسي ومره كان في معرض في قطر وكان في هناك يابانيين بيرسموا وبيعملوا لوحات فبابا راحلهم وخلا واحد يعملي لوحه يكتب عليها اسمي برسومات كده شكلها حلو جدا ..

بأفرح قوي بهدايا ماما عشان بتحاول تجيب أي حاجه بنحبها ونفسها تجيب لنا كل حاجه وأي حاجه بس أكتر حاجه عجبتني جدا لأني بحبها وكنت محتاجاها زجاجة دهن عود ..

لما نجحت في سنه أولى في الكليه جاتلي هديه من عمي هو اساسا الوحيد إللي جابلي بس بجد فرحانه بيها جدا لكذا سبب أولا مكنتش متوقعه خالص لأنها مش مناسبه يعني الحاجه التانيه عشانها من عمي الحاجه الثالثه عشان لما أعطاهالي قاللي اتفضلي يا دكتورتنا ..

وطبعا طبعا طبعا عشان أجدد حبي لنفسي لازم أهدي نفسي بس بقالي فتره زعلانه مني فمجبتش هدايا ليا ..
كنت كل فتره لازم أروح محل ورد وأعمل بوكيه ورد لنفسي ..
أو أروح اي محل من إللي هم بيبيعوا فيهم هدايا تذكاريه دي وأجيب حاجه ليا وأحتفظ بيها ..

وكتير بأحب أجيب هدايا لناس حتى لو علاقتي بيهم طفيفه بس بجد بأكون فرحانه جدا من ساعة ما أروح أختار الهديه لحد ما أعطيها لهم بس بأكون قلقانه متعجبهمش ..

بس كده
كفايه كده أنا رغيت أكتر من الموضوع الأساسي ..

هو ده الرغي :D
مش إللي فوق

الرسول عليه الصلاة والسلام قالها تهادوا تحابوا كل الهدايا اللى جاتلى بحبها على الرغم انها بسيطة بس هى من ناس عزاز عليا وده كفاية اوى علشان اعرف معزتهم ليا
من الهدايا اللى بحبها رسايل الموبايل يوم عيد ميلادى بحس انها بتبسطنى جدااااااااا انهم بيفتكرونى

إني ملكة ..

الله ماشاء الله هدايكي حلوين جدا

وحلوه حكايه الكتابه على ورق الشجر دي جديده تماما

ايوشة:

اهلا اهلا حضرتك اول مره تشرفينا يفندم في المدونه :)

وفعلا الكلام اللي مع الهدايا بيبقى احلى وادوم من الهدايا نفسها :)

جالي ورد هديه دلوقتي حالا بجد فرحانه قووووووي ..

اكيد الموضوع وشه حلو :D

فكرة الموضوع جميل جدا
اجمل هدية جاتلى كانت انتيمتى ودى بعتبرها هدية من ربنا ليا:)

موناليزا
اهلا اهلا حضرتك اول مره تشرفينا في المدونه يافندم :)
وفعلا نعمة الصداقة دي لاتعوض

حبيت أقول إن الموضوع تمام جدا :)

رغم إني مش عارفه أفتكر هدية ومناسبة معينة مع إن فيه كتير :)

اخت لوتس ربنا يكرمك يافندم

بوست جميل :)

بس كل دي هدايا جت لحضرتك !!

اللهم لا حسد D:

اخت في الله:
اهلا اهلااا يافندم حضرتك اول مره تشرفينا في المدونه :)

وربنا يكرمك يافندم ده من ذوق حضرتك بس :)