السلام عليكم و رحمة الله و بركاته
اول تعليق
عثل انا و الله
و اول مرة اجى هنا اصلا بس المدونة حلوة و خاصة عمك ياض لطيفة
المهم
الاسرار مش كلها سعيد و سهل كده برضه فيها بلاوى و حاجات لو كشفتها لعزيز ليك مثل امك و لا حتى جوزك
نظرته هتختلف ليك
صدقنى
بس ممكن تقولها لربك هو ستار اكثر من بنى ادم
و تقبل مرورى
سلام من نجمة قمر حبيب و بعيد بس معاها اسرارى

نجمة قمر حبيب و بعيد:
اهلا اهلااا حضرتك اول مره تشرفينا في البلوج يافندم :)
هو فيه بعض الكلام مينفعش يتحكي فعلا لناس معينه..
وفيه حاجات المفروض متتحكيش اساسا زي الجهر بالذنب.. زي الحديث اللي فيما معناه ان ربنا يستر على الواحد بالليل ويصبح فيفضح نفسه !!

وجميله اوي نقطه ان الواحد يقول لربنا دي.. بجد حاجه رهيبببه لما الواحد بيكلم ربنا :( وغالبا بيبقى فيه تضارب رهيب وهو بيكلم ربنا عزوجل عشانه جل جلاله فاهم كل حاجه والواحد بيبقى متلخبط اوي حيقول ايه :(
كمان مره عجبتني اووي النقطه دي

وربنا يكرمك يافندم :)

حضرتك جيتي على اول تدوينه كئيبه اعملها :d

welcome to the black world :D

هههههههههههههههههه
ان شاء الله مؤقت بس :D

leh yabny mo2akat da el Black gameeeeeeeeeeeeeeeel :P:D:D

عايزه اقول نو كومنت

هيلسنج:
انسى ياعمرو

SaRaSeErO
وده يعبر عن ايه يادكتور :)

دا لانى عايشه اللى حضرتك بتقوله ف المدونه ده

سواء انى بقفل ع اسرارى ومش بقولها لاى حد

او انى لما بتعب اوى وببقى خلاص
بحكيها وببقى خايفه من رد فعل اللى بيسمعنى
وف الاخر بردو مبتعديش

يمكن برتاح شويه
بس مبتعديش جوايا
وبتفضل ملازمه تفكيرى

ممممممم
ولا حتى ماماتك ؟ اصل البنات دايما قريبين اوي من امهاتهم واحيانا من ابهاتهم خاصة ان حضرتك البنت الوحيده

ايون بحكى لمامتى

بس احيانن بخاف تزعل منى

والله انا الحمدلله عندي الي احكيله كل حاجه

وبجد بموووت فيها وبتريحني اوي

هما اتنين صراحه

لما ابقى ف مصر ساره وهنا ف السعوديه بسمه

ربنا يخليهم ليا

كلامك فعلا صح بيشيلوا كبير اوي من علينا

انا البوست ده اتحط عندي من يومينف الريدر واما دخلت مش لقيته

عموما كلامك كله صح انت من امتى بتقول حاجه غلط :D

ومبروك اللوك

تصدق فعلا والله الواحد لما بيشارك حد فى اسرارة بيبقى كانة زاح حجر من على قلبة.. بس الاهم اننا نختار كويس اللى
نشاركهم اسرارنا


وعلى فكرة بقى المدونة كدة شكلها
احلى متغيرهاش تااااااااانى

تعرف انه مش شرط يكون سر ولا حاجة يعنى لمجرد انك تفضفض على اللى جواك مهما كان بسيط وصغير هتشعر براحة

انا بقي الي مضايقنى ان مش بعرف اخبي حاجه

اى حاجه تحصلي بقولها لاصحابي

مش عارفه بقي ديه حاجه كويسه ولا لاء

واحيانا كتير بحكيها لماما وبابا كمان

عندك حق والله العظيم كلامك فى الجون


وبجد انا فعلا الواحد عنده اسرار محدش يعرفه غيره هو وربنا

مع انه عنده اصحاب كتير

بجد موضوع تحفاااا

كلماتك فكرتني بأغنية بتقول " كل واحد عنده سر جوا منه بيداريه 100 حقيقة بيداريها عن أقرب الناس إليه"
أغنية فيلم كلاشينكوف
ـ حلو المنظر ده ـ !!!!

اه علي فكرة شكرا لزيارتك لمدونتي

اولا مدونتك كارثة والله

الله اكبر حلوة ولذيذة جدا

الوبست بقى جامد جدا جدا جدا .. عجبانى فيه الفكر اوى وطريقة تعبيرك حلوة بسيطة كدا ومش مكلكعة

ومن الاخر .. الاسرار فعلا فى حاجات كتيرة بتكون مش سر اصلا ... بس احنا بنعتبرها سر على ايه .. الله اعلم

بس يمكن لاننا مش بنحس اننا هنلاقى اللى يفهم او يحس باللى عايزين نقوله

السلام عليكم ورحمة الله وبركاته

اول حاجة انا هعلق على كلمة "اعملك منظر" جميلة أوي وموتتني من الضحك وفيها وجهة نظر بردو..

**************

التدوينة رائعه بمعنى الكلمة
الانسان مينفعش يخبي كل حاجة جواه لازم يكون في حد قريب منه أوي وبيثق فيه اكتر من اي حد تاني وبيحكيله على كل حاجة بتحصل معاه عشان الواحد زي ماحضرتك قلت ميحسش بالوحدة والكبت

مدونتك لذيذة أوي وممتعة

دمت كما تحب..
تحيتي..

كلامك كثير حلو
بس لاحظ و احذر لما تختار الاصدقاء يلي رح تخبرهم بالاسرار

اقبل مروري
بس شو يعني عمي ياض

SaRaSeErO:
حاجه جميله ماشاء الله.. متهايلي الى حد كبير ان حضرتك عشان بتحكيلها ده بيغفرلك جامد عندها الغلطات نفسها اللي بتعمليها + الثقه اللي بتتبني بينكم :)

MǿиY El-Shreef
ربنا يكرمك يافندم :)
ماشاء الله بجد حافظي على صداقتك دي.. مهما عملتي قدام حضرتك مش حتعرفي تعوضي الصداقات دي :) فمهما حصل بينكم لازم تتصالحو علطول :)
ربنا يحفظكم لبعض

MaNoOoSh
ربنا يكرمك يافندم :)
ماشاء الله حضرتك بقيتي من الزوار النشيطين للبلوج :)
حضرتك مقولتيش بتحكي لمين على فكره :D

موناليزا
اهلا بحضرتك في البلوج :)
اكيد كلام حضرتك صح خاصة لما يكون مستمع جيد :)

eng: nagwa
هههههههههههههههههههههههههههههه
انا عندي احيانا بتحصل الحاله دي برضه :d
بس ماعدا الحاجات الدفينه :)

طارق ابوس ايدك يابني اعمل حذف نهائي للكومنت

بتاع الزباله ده عشان شكله مش حلو بجد

Bant El7ag Dracula
ماشاء الله حضرتك بقيتي من الزوار النشيطين للبلوج :)

ربنا يبارك في حضرتك يافندم ده :)

mimi:
اهلا اهلا يافندم حضرتك اول مره تشرفينا في المدونه :)

ومدونة حضرتك الحقيقه رائعه بجد وانصح الناس بزيارتها.. المواضيع خفيفه اوي وظريفه وفي نفس الوقت فيها فائده

مستنين بوستات حضرتك الجديده :)

AhMeD RaDy:
اهلا اهلااااااااا انت اول مره تنورنا في البلوج يامعلم :)
ياولكم ياولكم :)

وربنا يخليك من ذوقك بس :)

ربنا يبارك فيك :)

الشيماء صلاح*shosho*
اهلا اهلا حضرتك اول مره تشرفينا في المدونه :)

ربنا يكرمك يافندم ده من ذوقك بس :)

حضرتك تاني اصغر زائره للمدونه ماشاء الله :)
حضرتك عندك 15 سنه و نور عندها 11 :)

متمردة على الواقع:
اهلا اهلا حضرتك اول مره تشرفينا يافندم في البلوج :)

عمك ياض ده تعبير بالمصري.. مش معناه العم اخو الاب.. لكنها معناها زي "سيدك" كده..
وياض معرفش حضرتك عرفاها ولا لأ.. هي زي "يله" (بفتح الياء واللام)

بس بتتقال هزار كتير يعني :)
بس :)


حضرتك اول زائر يشرفنا من فلسطين الشقيقه :)

MǿиY El-Shreef:
هو كان فيه حاجه باينه منه ولا ايه :|
عامة مسحته خلاص

ممممم

كنت عاوزه أقول كلام كتير بس نسيت :)

عامة أنا كتومه شويه ومش بحب احكى أوى الحجات اللى تخصنى من باب لو مقدرتش تحفظ سرك جواك محدش هايقدر يحفظهولك

لكن أوقات ببقى محتاجه أفضفض وأتكلم

مش بلاقى غير ماما هيا أكتر حد يخاف عليا وعلى مصلحتى

وأكبر منى علشان كدا هاتفيدنى

--------

لكن مثلا لما يكون عندى مشكله ومش عارفه أحلها إزاى مفضلش إنى أقول لصاحبتى لأنها قدى وخبراتها مش اكتر منى تقريبا متساووين لكن احكيها لحد اكبر منى يفهمها عنى ويمكن يقدر يساعدنى زى اختى مثلا

المهم مخرجش برا إطار الأسره :)

انا شايفه انو دا الصح

وبرضه رغيت

مفيش فايده

:D

----
عمار انت ممكن تعمل موديريشن ع التعليقات هايبقى أفضل

وابقى قولى إزاى علشان عاوزه أعمله

:)

حضرتك انا بحكى لناس قليلة جدا (هم اتنين ومنهم اختى اساسا)
وحضرتك الله يخليك بلاش حضرتك دى.. بحس ان عندى 27 سنة وللا حاجة هم 15 سنة بس اللى عندى.. هتكبرنى ليه بس
ههههههههههههه

زهرة الامل:
ماشاء الله على التفكير العاقل :)

بالنسبه للمدونه خشي Settings
بعدين Comments
ومن قدام Comment moderation
اختاري Always

وفي الاخر Save Settings

بس كده


وعلى فكره مبتغريش خالص ابدا والله !!
امال لو شوفتي النقاش في موضوع "حاجات بستغربها في البنات"

اتكلمي براحتك خالص يافندم :)

MaNoOoSh:
:D
15 سنه بجد ؟
اصل مكتوب في البروفايل 25
انتي كده تاني اصغر زائره زي شوشو

اصغر واحده عندها 11 :)

بقى عمك ياض يطلع معناها زى سيدك كدا

ياماشاء الله ياماشاء الله

انت يا شخص

هو انت خلاص اعتكفت في مدونتك ؟

مش وراك منتدى ولا نسيته

على رأي الشاعر

تبا

عايزين نشوفك الله يخليك

والله يكرمك لما تيجي بلاش مواضيع الاكتئاب دي اللي انت بتطلعها علينا

يعني هنا ما شاء الله نلاقيك مفرفش

وهناك نلاقيك مكتئب

والا هتلاقيني مضطر اني اتقمص شخصيتك تاني

مفهوم ؟

فى اول زيارة لى هنا

كلامك جميل

بس المشكلة فى اننا نلاقى الصاحب الصح

اللى ممكن يقدر كلامنا ويفهمه

وانا الحمد لله الصاحب ده موجود عندى

وتخيل بقالى فترة ما شوفتوش

بس ان شاء الله النهاردة لازم اشوفه

اتمنا لك التوفيق

فيما يرضاه الله

احمد

ههههههههههههههههههه
انت صدقت
انا عندى 25 سنة فعلا
بس اوعى تقول لحد
ششششششششششششششششششششششششششش
دة سر على فكرة
هههههههههههه
بس كلمة حضرتك دى يعنى بتحسسنى ان انا كبيرة فى السن يعنى

من غير حضرتك وحضرتي

أنا بقول لصديقتي الأنتيم علي كل حاجة بدون حرج
وانت بتحكي لمين؟؟؟؟؟

طارق
عمار

عمنا ياض
ـــــــــــــــــ

اللوك بتاع الجينز ده جااااااامد

انا من الشخصيات اللى مش بحب اقول اسرار لحد لغاية فترة قريبة لقيت نفسى عاملة زى الخزنة اللى اتفتحت بحكى بدون توقف بس سبحان الله لسه جوايا اسرار معتقدش هقدر اخرجها ابدا
بس حقيقى الانسان بيرتاح لما يحكى مش مهم الناس تحل وتساعد بس الاهم يكون الانسان اللى بيسمعك امين مش هيفهم كلامك بش غلط ولا هيروح يسيحلك فى كل مكان
الشكل الجديد تحفة والبنطلون الجينز ده طالع من عينى

http://7abebyyarasolalah.blogspot.com/

اشكرك جدا

دكتور سراسيرو
طب هي فلسيطينه عشان كده مش عارفه معناها
بس حضرتك مش عارفه عمك ياض ازاي :)

شلولوح باشا
:D:D:D:D:D
متقدررررررررش :P:D
منورنا ياجميل :)

اسماء واحلام فى وجدانى
اهلا اهلا نورتنااااااا ياحاج في البلوج :)
ماشاء الله حافظ عليه بجد :)

mimi
ربنا يكرمك يافندم ده من ذوقك بس
ماشاء الله جمعتي القابي :d

يوشه
سبحان الله جتلي الحاله دي برضه فتره كده :d
معرفش ليه ولا ايه اسبابها وكانت غريبه جدا فعلا
ربنا يكرمك يافندم ده من ذوقك بس
على فكره levis كمان :d

صباح الخير
معلش جيت متأخرة شوية
بس انا من رأيى ان السر لو طلع من بين شفايفك ما حيبقى سر(بتكلم عن نفسى بجد)طبعا فيه اصدقاء مقربين ومحترمين ودول للاسف مااقدرش اقولهم (اى سر)لانهم اكيد حيغيروا فكرتهم (المحترمة عنى)اللى انا اكره انها تتغير فى ارض الحياة.معلش اعذرنى ان كان الكلام غير متناسق لكن فعلا انا لا اؤمن باخراج اسرارك لاى انسان مهما كان إن كا السر وجعك اوى اكتبه فى ننوتة واقفل عليه او استشير حد برضه تثق فيه لكن متقولش ابدا انه بتاعك اوسرك
صدقنى بنصحك لله ماتحطش صباعك تحت ضرس حد مثل سمعته زمان وحفظته بعد تجربة مرة وللاسف.

وداد متفقه معاكي جدااااااااااا وبشده
أنا بفضفض مع صحباتي وأتكلم معاهم وكل حاجه وحاجات شخصيه عني بس في حاجات متتحكيش لحد نهائي المفروض متطلعش من الشخص نفسه ..
أنا جربت أحكي حاجه من إللي تعتبر من أسراري لكن للأسف في ناس خاينين للأمانه
أنا حكيتها مش متخيله إن ممكن تطلع بره ومش لازم ولا محتاجه إني أوصي إللي بحكيلها وأقولها دي سر عشان متحكيهاش ..
أنا كل حاجه في حياتي ممكن أحكيها عادي ولأي حد كمان بس للأسف في ناس نظرتهم لك بتتغير بعد ما يعرفوا الحاجه دي برغم إنها مش حاجه كارثيه ولا جريمه يعني بس زي ما يكون كنت حد غامض فالكل بيحبك عشان بيرك عميق ومش قادرين يوصلولك ومجرد ما عرفوا حاجات دفينه خلاص بقيت مكشوف قدامهم فغموضك راح وبالتالي جاذبيتهم لك قلت فبيبعدوا مش عشان اللي قلته غلط بس خلاص عرفوا إللي جواك فبقيت حد عادي زي أي حد ..
ده غير إن في حاجات كمان المفروض هي عاديه بس خاصه بيا ومحبش أي حد يعرف خصوصياتي فبجد بأتضايق جدا إني لما أحكي لحد من صحباتي حاجه عني أو حاجه حصلت في بيتي واتفاجئ بناس مليش ادنى علاقه بيهم عارفين الحاجات دي !!!!!
طيب إنتي صحبتي بحكيلك عشان كده ليه تروحي تحكي لفلانه دي حتى لو هي سألتك ميخصهاش تعرف ..
الواحد بيكون محتاج لحد يحكيله بس بجد كتير بنفتقد للحد ده ومفيش غير حد واحد بس بإذن الله إللي هأتمنه على أكتر من اسراري لأن ساعتها مش هيكون في خصوصياتي وخصوصياته غير كده فمفيش حد هيحافظ على أي كلمه تتقال مني حتى لو كلمه عاديه إلا الشخص ده إللي اخترته يحافظ على إللي أكتر من كلامي ..

عايزه اقول كمان إن في ناس بعد ما نرغي معاهم بنندم على كل كلمه قولناها حتى لو محصلش حاجه منهم أو حتى لو كلامنا عادي معاهم يعني مش أسرار وكده وناس بنكون مبسوطين ومرتاحين جدا وإحنا بنقولهم عن أي حاجه وكل حاجه حتى لو مقالوش لنا حل لإلي إحنا عايزينو

لاء ياافندم
ان عارفه ايه معنى عمك ياض

بس احنا ساكتين عليها ومعدينها يعنى

تقوم تقولها ف وشنا كدا ان معناها سيدك

و تعمل ايه في واحدة - و ده بردو سر من اسرار حياتها- انها كانت كل ما تقرر ان حد كويس اوى انها تحكيله سر، يطلع في الاخر حد بيستخدم السر ده عشان يوجعها بيه
سواء بقصد او من غير قصد
ف توصل النتيجة في الاخر انها مابقتش تحكي
عشان توصل في الاخر كمان، انها مابقتش بتعرف تحكى، و بتخاف كل مرة اكتر من اللي قبليها في اللي هيحصل لو قالت الحاجة المستخبية دي لأي حد
حتى لو الحاجات المستخبية دي مش مهمة للدرجة....


كنت بردو قررت انى هكتب رد صغير :) بس اهو الكلام بيجيب بعضه :)
المدونة جميلة اوى ماشاء الله... مبسوطة ان حضرتك كملت فيها:)

مش حضرتك اخ عمار؟؟
اتمنى تكون بخير يا اخي :)

ويـ share them?

wedad
اهلا بحضرتك يافندم مره تانيه :)

هو عامة مش لازم لو حبيتي تحكي اسرار لحد تحكي كللل حاجه
بمعنى ((كل)) حاجه

وباي حال من الاحوال فيه دايما خطوط.. زي مثلا الجهر بالذنب
فيمفنعش اي حاجه تتحكي

إني ملكة ..

مممممم حضرتك قولتي كذا حاجه

هو فيه نقطه مختلفه مع حضرتك فيها ومتفق معاكي فيها من زاويه تانيه

يعني ان مينفعش اي حاجه تتقال
اكيد متفق معاكي ف كده.. مينفعش كل حاجه تتقال لكل حد الى ما لا نهايه كده..
لان زي ما قولت فيه خطوط معينه مينفعش الواحد يتخطاها زي الجهر بالذنب مثلا

اللي مختلف معاكي فيه انه فيه ناس تحبني عشان عندي اسرار كتير وبحري غويط.. فلو عرفو الاسرار دي خلاص بقيت واحد عادي بالنسبالهم
اصل بناقص الناس دي يعني.. مش حفرح لما واحد يحبني عشان عندي اسرار واخاف انه يعرفها لحسن يبطل يحبني


وصحبتك دي ماشاء الله عليها :D

حاجه وحشه جدا فعلا ان الواحد يسيح كده بعد ما حد وثق فيه ف حاجه

بس صدقا فيه ناس كتير مش بتبقى مدركه تماما لحاجات كتير انها فعلا سر..
وفيه ناس مش بتقدر معنى السر ولثقه اساسا

SaRaSeErO

هو مش سيدك سيدك يعني
تقدري تقولي تاج راسك

المجاهدة

ياااااااااااااااه
الناس المحترمة بتاعة زمان !!!
ولكم باك يافندم ايه الغيبه دي
يارب حضرتك تكوني مبسوطه ف الكليه

اولا لا طبعا كلامك قليل
فين ايام زمان كنا نلاقي حضرتك ف المنتدى بتكتبي بالصفحه


اكتر حاجه عجبتني كلامك واستغربتها ان حسيت ان حضرتك (معرفش اسمك.. بس فرضا اسمك مريم) يبقى حسيت مريم اللي بتكتب مش المجاهده
يعني حسيت حضرتك بتكتبي من جواكي
زمان كنت بحس شيويه حاطه حاجز وفاصل و..و.. بينك وبين المجاهده ف المنتدى


بجد سعيد جدا ان حضرتك رجعتي تاني للمدونه بتاعة حضرتك وياريت نشوف بوستات حضرتك دايما بدون انقطاع