أول وحده تعمل لنفسها منظر

هقرا وارجع

السلام عليكم و رحمة الله و بركاته
كلامك مقنع و الله تعرف ليه
لان كل لسنوات ده لا يوجد خطر كبير علينا
لكن من بعد سن 22 الخطر بيكبر و يكبر و لاتقى الجنان اشتغل من كل صوب
اللى هيسافر و اللى هتهاجر
و اللى هتعنس و اللى هيجوز
و الى يسرق و اللى تنصب على الخلق
و هكا واضح انهم بيدونا فرصة و اتاحة ظروف ربنا وحده اللى يعلم ممكن نعمل فيها ايه
بس اقولك ايه
فى الاخر يقولوا
ده اخرت تعليمك
طيب مش انتم اللى علمتونا ده
و عجبى
سلام من نجمة قمر حبيب و بعيد بس متعلم اكيد

ازيك ياطارق

تصدق عندك حق

انا دايما بقعد اقول ياربي احنا بناخد الحجات العجيبه دي كلها ليه

هنستفاد بايه ف الاخر يعني

احنا ندرس الحجات الاساسيه وبعدين الي عايز يتخصص يكمل

حاجه تحرق الدم لما تدرس الايبسلون وانت ماتعرفش هو ايه اساسا ولا هتعمل بيه ايه ف حياتك

و ع الناحيه التانيه اهمال جزئي لقوانين ربنا الي هي فعلا ميسره لينا

كلامك مظبوط

سلام ياسيدي

تصدق والله دة اللى اكتشفتة بعد ما خلصت التعليم الجامعى.. انى مستفدتش بيه فى حياتى ما يذكر

بس القوانين الاخلاقية لا غنى عنها بجانب الدراسة اكييييييييد.. انا اللى معترضة عليه فى الدراسة انها بتاخد سنين الطاقة كلها من الشباب.. يعنى لما الواحد يخلص دراسة وهو عندة 22 وللا 23 سنة هيبدأ امتى يشتغل ويكون اسرة.. انا شايفة ان دة ظلم للشباب والله فعلا
ربنا يكون فى عون الجميع.

إعملك منظر؟؟

هههههههههههه

على العموم إنت فعلا عندك حق
بدليل إن فيه ناس متعلمة تعليم عالى وواخدة شهادات جامدة جدا .. بس متقدرش تتعامل معاهم علشان أخلاقهم بتبقى زى الزفت

فى حين إن ناس بتبقى بسيطة جدا ولا كملت تعليمها ولا حاجة وبيبقوا عشرة على عشرة

الشيماء صلاح*shosho*
خدي راحتك يافندم :)
وولكم باك مقدما :)

نجمة قمر حبيب و بعيد:
مهو هنا بيظهر اهمية دور الدين في حياة الواحد.. انه يكون راضي.. يكون طموح في نفس الوقت.. انه ميستسلمش.. انه يستعين بالله ولا يعجز.. ازاي يستسلم وهو متوكل على الله.. فعارف ان ربنا معاه ؟!!
وفي نفس الوقت ازاي ينصب او يسرق او..او.. وهو عارف انه حيتحاسب في الاخر على كل مليم خده..
وان الفلوس مش حيبقى فيها بركه
وممكن ربنا يتبيله بمرض ولا اي حاجه ويصرف اكتر من الفلوس اللي سرقها على علاجه + العمر اللي حيضيع
....
:)

MǿиY El-Shreef

على فكره دي بلوه بجد
لما كبرنا شيويه فيه حاجات كتيييييير كنا عرفناها زمان.. بدانا نحس باهميتها وفايدتها دلوقتي..
فالمشكله اننا زي ما قولتي حاجات كتير بندرسها واحنا منعرفش دي تبع ايه ولا جايه منين ولا ايه لازمتها ؟ ولا ايه تطبيقتها اللي ممكن الواحد يستفيد منها عمليا !!

وقصدك ايه بانه يدرس الحاجات الاساسيه واللي عايز يتخصص يكمل ؟
يعني مهو الحاجات الاساسيه ممكن لغايه 3 اعدادي مثلا.. متهايلي العلوم اللي بيبقى درسها لغايه السن ده الى حد ما معقوله.. او الى ثانوي

قصدك زي بره يعني ؟

على فكره فيه دكتور قالنا في الصين مش فاكر كام النسبه بالظبط.. بس تقريبا 40% مثلا اللي بيكلمو دراستهم لاخر خالص.. عشان كده بيقدرو يصرفو عليهم ويعلموهم كويس.. الباقين بيشتغلو الحاجات التانيه.. مزارع.. في مصنع.. المهن اليدويه.. حاجات كتير جدا مش محتاج فيها علوم تفصيليه

MaNoOoSh:
ممممممممم
بس بيقولو ان السنوات دي اجمل سنين في الحياه
خدعه دي ولا ايه ؟
يعني بعد كده المسؤليات بتذيد اكتر.. والواحد باله بيكون مشغول اكتر و ضغوط عصبيه عليه و..و..
فتعتبر فتره الجامعه فتره متوسطه ذهبيه

بيضحكو علينا ولا ايه ؟
اصل لسه مجربتش حياة ما بعد الجامعه :)

maiosha:
تمام جدا عندك حق..
وكمان بعيدا عن تعاملنا معاهم.. هم نفسهم بيكونو اكثر رضا وسعاده في حياتهم
واهلا بحضرتك يافندم شرفتينا في البلوج :)

ياااه
انا بقول الكلام دا داايما

حاجات كتير بندرسها مش ليها اي فايدة

ولا حتى بنفتكرها بعد ما نمتحن

بالذات عندنا بقا
(دستور -العاب - رسم - حاسوب - اقتصاد منزلي)

المفروض تكون الدراسة اولا واخيرا للافادة

مش للحفظ والصم بس

بجد

والله العظيم يا بنى انت كلامك فى الجووون وبجد انا بحب ادخله جدااا

مدونه محترمه ولذيذه وكلامها
موزون

وبجد كلامك تحفا

ومالوش حل

تسلم ايدك على البوست دى

هاجى اقرا البوست بكرة ان شاء الله علشان انا مش شايفة خالص فصلت شحن :)

صباح الخير
الكلام سهل انما اللى صعب التنفيذ
ليه؟لاننا بنى ادميين اتعودنا او بحب ناخد اكتر ما بندى وبالتالى عايزين ربنا يدينا وخلاص من غير تعب ولا مجهود.

بالنسبه للقوانين إللي بندرسها فنسبه ضئيله جدا إللي بتخرج بعد العمر الدراسي ده كله مستفيده حاجه أو تقدر تطبق اللي درسته عمليا ..
بالنسبه للقوانين الربانيه فلن يسير عليها ولن يتقنها إلا بعد تجارب حياتيه وتفكر في قدرة الله وإيمان قوي بالله وبقدره ..
كنت حاسه بلخبطه شويه من البوست ده ومش قادره أجمع الرد بس تقريبا حضرتك شلت الجزء إللي كان ملخبطني ولا مش عارفه يمكن قرأت حاجه تانيه في مكان تاني والخطوط دخلت في بعض !!!
ما علينا ..
الجزء الأخير عجبني جدا ما شاء الله ..

بوست جميل:)

بالنسبة لقوانين الله سبحانه وتعالى
متفقه معاك تماما اننا لازم نتعلمها قبل اى شىء تانى بس مش ننكر

اننا مش هنقدر نتعلمها الا بجانب قوانيين التعلم الى بناخدها فى المدارس

لأن التعليم بيضاعف قدرتنا العقلية
ولما قدرتنا العقليه تزيد هنقدر نستوعب كويس النهج الربانى ونطبقه

والهدف من التعلم الى فى المدارس اننا ننقل اثر التعلم ده من داخل الفصول الى بندرس فيها الى خارجها ونفعلها فى الحياة بتاعتنا

بس فى نقطه بقى انت تطرقت ليها
ان اساسا نظام وايدلوجيه التعليم بتاعتنا مش بتخلينا ننقل حاجه لحياتنا بعد ما نخلص ولا نفعلها خالص

يعنى منظومه التعليم دى كلها عايزة تتعدل

بس كده :)

السلام عليكم و رحمة الله و بركاته

حاضر يافندم
هأعملى منظر

ثوانى بس


طيب كدا كويس




بجد أنت عندك حق
عارف المشكلة فى ايه؟؟
مش المشكلة اننا بنقعد نتعلم طول المدة دى

المشكلة اننا ماعرفناش احنا بنتعلم ليه؟؟

و لا هناخد ايه من ورا التعليم


تسأل واحد الوقتى
يبئا أهله طالع عنيهم عشان يتعلم
و دا نايم فى الخط و يقولك
ياعم يعنى اللى اتعلموا عملوا ايه
ماهم عطلانين و قاعدين على القهاوى

فحتى يعنى و احنا واخدينالامور بمنظور دنيوى مش ناجحين فى حاجة


بعكس لما نحس إن حياتنا دى كلها طاعة لربنا

نتعلم حكم و قوانين ربنا
و نعيش حياتنا بردوا و احنا حاسين انها عبادة


هنلاقى مفاهيم كتير و حاجات كتير جدا جوانا اتغيرت
و كل واحد شال مسئولية نفسه
و فعلا اتغير للاحسن




معلش اتكلمت كتير
بس اول زيارة بئا
و لازم أعمل منظر جامد




دمت بود

بالرغم من إنى قرأت البوست دا 3 مرات

وفهمته وعاوزه أرد عليه

بس مش عارفه اجمع الرد بتاعى أو مش عارفه اكتبه ازاى

غريبه فعلاً

لكن هحاول استجمع

:)

بس مبدأياً بوست له معنى كبير جداً

هاعملي منظر أهه
بس ماتزؤش

بس هاجاوب على سؤالك بسؤال
هو اللي عندنا في مصر ده تعليم؟؟؟
المشكلة اني بعد ما صرفت من عمري 22 سنة تعليم
اكتشفت اني ماتعلمتش حاجة
تنفعني
في الطاحونة اللي عايشين فيها
ويطلق عليها مجازا
وطن
وليه في كل الدنيا اسمها بندرس
وعندنا احنا بنذاكر ؟؟؟

وليه.......؟؟

بس بجد
عندك حق في كل كلمة قلتها
يمكن لو اخدنا بالنا من القوانين دي
هانتعلم كتير
اولها
الرضا
يمكن الثبات في وش الصعاب
زي البحث عن وظيفة مثلا :)
ونتعلم انه كله خير
بس اكيد احنا مش شايفينه دلوقتي


بوست قوي
ومفيد كالعادة

تقبلني بأه

εïз Semsema εïз:
بس والله فيه حاجات كتير درستوها بعدييييين حتكتشفي انها كانت مفيده وليها لازمه وممكن استخدامها واستغلالها

لكن بدون شك فيه حاجات تانيه اكتر صعب الاستفاده منها فعلا.. والكلام ده حسب مجال الدراسه في الكليه والعمل :)

Bant El7ag Dracula:
ربنا يكرمككك يافندم ده من ذوق حضرتك بس :)

ايوشة:
خدي راحتك يافندم :)

wedad:
ممممم
مختلف مع حضرتك شيويه
اه فيه تنابله كتير جدا بدون شك !!
بس تخيلي حضرتك مثلا ان الانسان من ساعة العصر الحجري وكان تنبل كده وفعلا مش عايز يعمل حاجه وعايز ربنا يديله وبس.. هل كنا وصلنا للنت اللي شغالين عليه دلوقتي؟
ده احنا عشان انسان مش اي حاجه تانيه قدرنا نوصل للتقدم اللي احنا فيه ده

بس للاسف فعلا التنابله بقو زي الرز

إني ملكة .. :
لا والله مشلتش حاجه.. بس البوست ده فعلا معرفش ليه مش حاسه مظبوط اوي.. يعني حاسس ناس كتير ردت على حاجه تانيه غير اللي قصدتها..

بالنسبه للقوانين الربانيه ده عشان احنا مش بنديها حقها زي الدراسه العاديه !! يعني زي ما قولت على الاقل على الاقل يومياااا بيروح بالميييييت 4 ساعات سواء عشان الواحد يروح الكليه او الحاضرات و عمل الشيتات او اي حاجه تبع الدراسه.. طب في المقابل فيه قدامهم اد ايه يوميا للي بقول عليه ؟

حتى لو عارفين حاجات كتير.. اه الناس عارفاها كمعلومه نظريه كده بس !! لكن مش مغروسه جواهم وتشكل جزء كبير من تفكيرهم لما يجو يتاخدو قرار معين لاراديا..

❣sh!ko❣ :
ماشاء الله بفرح بالردود اللي بتضيق نقطه جديده :)
تمام يافندم جدا يافندم :)

Soul.o0o.Whisper:

وعليكم السلام ورحمة الله وبركاته

اهلا اهلا حضرتك اول مره تشرفينا في البلوج يافندم :)

ماشاء الله كلام حضرتك رائع فعلا..

هو فيه اينعم ناس كتير لو خدت فرصه حتبدع وتبقى شاطره في شغلها لو اتوفرتلها فرصة عمل زي اللي معاه واسطه مثلا..
لكن ليه بنبص للناس دي بس؟
طب مهو شوفو لو واحد متفوق فعلا في دراسته.. الناس دي بجد بتتخطف خطف والشركات اللي بتتحايل عليهم عشان يشتغلو معاهم والله

زهرة الأمل:
ربنا يكرمك يافندم
خدي راحتك خالص :)

سوبيا :

"وليه في كل الدنيا اسمها بندرس
وعندنا احنا بنذاكر ؟؟؟"
حلوه اووووي الجمله دي
فاكر واحنا بندرس في كورس الفرنساوي مره كان فيه فرق بين الفعلين دول وساعتها استغربنا جدا


"يمكن الثبات في وش الصعاب
زي البحث عن وظيفة مثلا :)"
:D:D


وربنا يكرمك يافندم :)

وانا برضو عجبتنى اوى جملة سوبيا
وعندى كمان فى الالمانى الفعلين فيه اختلاف

الدكتور بتااعى دايما يقولنا ها عملتوا ايه درستوا ايه واحنا برضو نستغرب ايه يا دوك اسمها ذاكرتوا ايه حفظتوا ايه مش درستوا ايه

بوست جميل تانى :)

ماتحسر اهل الاخرة الا على ساعة لم يذكروا فيها الله